वारस नोंदप्रकरणी मंडल अधिकाऱ्यास दमदाटी : गुन्हा दाखल

कुडाळ : करहर (ता. जावळी) येथील मंडल अधिकारी यांना वारस नोंदप्रकरणी मोबाइलवरून शिवीगाळ व धमकी दिल्याप्रकरणी पोलिसांनी एकास ताब्यात घेऊन तहसीलदार यांच्यासमोर हजर करत प्रतिबंधात्मक कारवाई केली आहे.

सचिन सुभाष बेलोशे (वय ४३) असे मोबाइल धमकी देणाऱ्याचे नाव आहे.

याबाबत पोलिसांकडून मिळालेली माहितीनुसार करहर मंडलाचे मंडल अधिकारी पाटणकर यांना सचिन बेलोशे याने मोबाइल फोनवरून वारसनोंद करीत नाहीस म्हणून शिवीगाळ व दमदाटी केली. याबाबत मंडल अधिकारी विजय पाटणकर (वय ४७, रा. हुमगाव, ता. जावळी) यांनी करहर पोलीस औटपोस्टमध्ये फिर्याद दाखल केली. सचिन बेलोशे यांच्यावर गुन्हा नोंद झाला असून, पोलिसांनी तत्काळ कारवाई करीत त्याला ताब्यात घेतले. याला तहसीलदारासमोर हजर करून याच्यावर प्रतिबंधात्मक कारवाई करण्यात आली आहे. अधिक तपास करहरचे ठाणे अंमलदार डी. जी. शिंदे करीत आहेत.