एप्रिल महिन्यात उच्चांकी रुग्णवाढ !

कऱ्हाड : कऱ्हाड तालुक्यासाठी एप्रिल महिना धोक्याचा ठरला. तालुक्यामध्ये महिनाभरात तब्बल पाच हजारांवर रुग्ण वाढले असून आजअखेरची ही उच्चांकी रुग्णवाढ आहे. या महिन्यात काही रुग्णांचा दुर्दैवी मृत्यूही झाला आहे. संक्रमणाचा वेग अद्याप कायम असल्याने सध्या आरोग्य विभागावर प्रचंड ताण आहे.

गतवर्षी एप्रिल महिन्यातच कोरोनाचा कऱ्हाड तालुक्यात शिरकाव झाला होता. सुरुवातीच्या महिन्यातच तालुक्यात ३३ रुग्ण आढळून आले होते. त्यानंतर संक्रमणाचा वेग वाढला. आणि केवळ ऑगस्ट महिन्यात रुग्णसंख्या तीन हजारांवर जाऊन पोहोचली. त्यानंतरचा सप्टेंबर महिना सर्वाधिक संक्रमणाचा ठरला. चार हजारांवर रुग्ण गतवर्षीच्या सप्टेंबर महिन्यात वाढले होते. ऑक्टोबर २०२० पासून जानेवारी २०२१ पर्यंत रुग्णसंख्या घटत गेली. कोरोना संक्रमण कमी झाल्यामुळे जनजीवनही पूर्वपदावर येत होते. मात्र, फेब्रुवारीपासून रुग्णसंख्या वाढण्यास सुरुवात झाली. ती आजअखेर कायम आहे. गत चार महिन्यांत तालुक्यामध्ये टप्प्याटप्प्याने रुग्णवाढ सुरू आहे. त्यातच एप्रिल महिन्यात मोठ्या प्रमाणावर रुग्ण वाढले आहेत.

सद्य:स्थितीत तालुक्यात अडीच हजारांवर अ‍ॅक्टिव्ह रुग्ण आहेत. आणखी काही दिवसांत रुग्णांची संख्या वाढण्याची शक्यता असून रुग्णांना ऑक्सिजन, व्हेंटिलेटर उपलब्ध करताना नातेवाइकांना कसरत करावी लागत आहे.

- चौकट

कऱ्हाडात ३७३, मलकापुरात १९३ रुग्ण

कऱ्हाडसह मलकापूर शहरात सध्या कोरोना रुग्णांची साखळी निर्माण झाल्याचे पहायला मिळत आहे. बाधिताच्या कुटुंबांतील तसेच संपर्कातील अनेकजण पॉझिटिव्ह आढळत असून ही साखळी खंडित करण्यासाठी आरोग्य विभागाकडून प्रयत्न सुरू आहेत. आजअखेर कऱ्हाडातील रुग्णसंख्या ३ हजार ५८२ तर मलकापुरातील १ हजार ८१३ असून सद्य:स्थितीत कऱ्हाडात ३७३ तर मलकापुरात १९३ अ‍ॅक्टिव्ह रुग्ण आहेत.

- चौकट

कोरोनामुक्त : ८१.७९ %

उपचारात : १५.६८ %

दुर्दैवी मृत्यू : २.५३%

- चौकट

२०२०-२०२१ रुग्णवाढ

महिना : रुग्ण

मार्च : ०

एप्रिल : ३३

मे : १४८

जून : १५९

जुलै : ५१९

ऑगस्ट : २९९७

सप्टेंबर : ४३९५

ऑक्टोबर : १००२ नोव्हेंबर : २९८

डिसेंबर : १७१

जानेवारी : ८९

फेब्रुवारी : १३८

मार्च : ५९२

एप्रिल : ५२७२

- चौकट

अ‍ॅक्टिव्ह रुग्ण : २४८०

होम आयसोलेशनमध्ये : १७९९

रुग्णालयात दाखल : ६८१

- चौकट

उपचारात रुग्ण

कृष्णा हॉस्पिटल : ३४७

सह्याद्री हॉस्पिटल : ५३

उपजिल्हा रुग्णालय : ४३

जिल्हा रुग्णालय : ३

पार्ले, सह्याद्री सेंटर : १३४

एरम हॉस्पिटल : ३४

श्री हॉस्पिटल : ३६

कऱ्हाड हॉस्पिटल : ३१

(आरोग्य विभागाच्या ४ मे च्या अहवालानुसार)

- चौकट

कोरोना अपडेट

एकूण बाधित : १५८१३

कोरोनामुक्त : १२९३५

दुर्दैवी मृत्यू : ३९८

उपचारात : २४८०