महामार्गाच्या दुभाजकांची स्वच्छता गरजेची

मुंढे येथे जयंत पाटील यांचा सत्कार

कऱ्हाड : पालिकेतील लोकशाही आघाडीच्या अध्यक्षपदी जयंत पाटील यांची निवड झाली. त्याबद्दल मुंढे, ता. कऱ्हाड ग्रामस्थांच्या वतीने त्यांचा उपसरपंच सागर पाटील, माजी सरपंच रमेश लवटे, माजी सरपंच आनंदराव जमाले, माजी उपसरपंच भीमराव जमाले, संभाजीराव साळवे, ग्रामपंचायत सदस्य अशोक माळी, राष्ट्रवादी काँग्रेसचे जिल्हा सरचिटणीस महंमद आवटे, राष्ट्रवादी प्रवक्ता सेलचे जिल्हा प्रतिनिधी शरद भोसले, सुभाष जमाले, प्रताप जाधव यांच्या उपस्थितीत सत्कार करण्यात आला.

वहागावात मुख्य रस्त्यालगत वृक्षारोपण

कऱ्हाड : तालुक्यातील वहागाव येथे ग्रामपंचायत आणि सरपंच संग्राम पवार यांच्या संकल्पनेतून गावातील मुख्य रस्त्यालगत ज्येष्ठ नागरिक पंढरीनाथ पवार यांच्या हस्ते वृक्षारोपण करण्यात आले. सरपंच संग्राम पवार, ग्रामपंचायत सदस्य संतोष कोळी, निवास पवार, दिनकर पवार, दीपक पवार, विनायक पवार, श्रीकांत पवार, आयुब मुल्ला, गणेश पवार, संतोष काटे यांच्यासह ग्रामस्थ मोठ्या संख्येने उपस्थित होते.

साईकडे फाट्यावर भाजपचे आंदोलन

सणबूर : ओबीसी समाजाचे राजकीय आरक्षण रद्द केल्याच्या निषेधार्थ भारतीय जनता पक्षाच्या वतीने ढेबेवाडी-कऱ्हाड मार्गावरील साईकडे फाटा येथे निदर्शने करण्यात आली. भारतीय जनता पक्ष व ओबीसी मोर्चाच्या वतीने पाटण तालुका ओबीसी मोर्चाचे अध्यक्ष शेखर लोखंडे, जिल्हा ओबीसी सेलचे उपाध्यक्ष महेंद्र कांबळे, किसान मोर्चाचे माजी प्रदेश सदस्य सुरेखा तुपे, अण्णा करंडे, बळवंत पाटील, अशोकराव पाटील, गणेश यादव आदी उपस्थित होते.