इनरव्हील क्लब लोणंदच्या नूतन पदाधिकाऱ्यांचा पदग्रहण सोहळा

लोणंद : इनरव्हील क्लब ऑफ लोणंदच्या नूतन कार्यकारिणीचा पदग्रहण सोहळा सोमवारी लोणंद येथे पार पडला.

कोरोना संदर्भातील सगळे नियमांचे पालन करत या वर्षीच्या नूतन कार्यकारी मंडळाचा पदग्रहण सोहळ्याचा

कार्यक्रम फक्त इनरव्हील सभासद यांच्या उपस्थितीत झाला.

मावळत्या अध्यक्ष डॉ. स्वाती शहा यांनी नूतन अध्यक्ष शिल्पा पवार यांच्याकडे क्लबचा पदभार प्रदान केला. डॉ. स्वाती शहा यांच्या कार्यकाळात केलेल्या कामांचा आढावा घेण्यात आला. डॉ. मनीषा काकडे यांनी परिचय करून दिला.

यावेळी अध्यक्षपदी शिल्पा पवार, सचिवपदी शिल्पा शहा, आयएसओपदी स्वाती गांधी, खजिनदार डॉ. संगीता बुटीयानी यांची निवड करण्यात आली.

नूतन अध्यक्षा शिल्पा पवार यांनी मनोगतात महिला सक्षमीकरण, अनाथ मुलांचे संगोपन, वृद्धांचे आरोग्य, वृक्षारोपण, जलसंवर्धन या विषयावर भर देणार असल्याचे सांगितले. लोणंद परिसरातील प्राथमिक शाळा, माध्यमिक विद्यालय, आश्रमशाळा आदींना मदत करण्यासाठी ग्रँड स्वरूपात आर्थिक मदत मिळवण्यासाठी प्रयत्न करणार असल्याचे सांगितले.