रामकृष्ण वेताळ यांना आंतरराज्य सेवागौरव पुरस्कार जाहीर

ओगलेवाडी: भाजपा किसान मोर्चा प्रदेश सदस्य आणि सातारा जिल्हा भाजपाचे माजी उपाध्यक्ष रामकृष्ण वेताळ यांना बेळगाव येथील नॅशनल रूरल डेव्हलपमेंट फाऊंडेशनच्या वतीने दिला जाणारा विशेष सामाजिक सेवा गौरव पुरस्कार जाहीर झाला.

महाराष्ट्र, गोवा आणि कर्नाटक या तीन राज्यांत ही संस्था काम करते. पश्चिम महाराष्ट्रातून या पुरस्कारासाठी रामकृष्ण वेताळ यांची निवड करण्यात आली आहे. या पुरस्काराचे स्वरूप मेडल, विशेष प्रशस्ती पत्रक आणि सन्मानचिन्ह असे आहे. बेळगावचे खा. अमरसिंह पाटील, केंद्रीय मंत्री रत्नमाला सावनूर, ब्रिगेडियर सुधीर सावंत आदींच्या उपस्थितीत ३१ मे २०२१ रोजी बेळगाव कर्नाटक येथे पुरस्कार प्रदान करण्यात येणार आहे. रक्तदान शिबिरे, कोरोनाकाळात लोकांना केलेले सहकार्य व जीवनावश्यक वस्तूंचे वाटप, सफाई मोहीम राबविण्यात असणारा पुढाकार आणि वृक्षारोपण कामातील सहभाग या कामाची दखल घेऊन वेताळ यांची या पुरस्कारासाठी निवड करण्यात आली आहे.