Earthquake: कोयना परिसरात भूकंपाचा सौम्य धक्का!

प्रमोद सुकरे

कराड : कोयनानगर (ता. पाटण, जि. सातारा) येथील कोयना धरण परिसरात भुकंपाच्या सौम्य धक्का जाणवला. आज, शुक्रवारी सकाळी ६ :३४ वाजता भूकंपाचा हा सौम्य धक्का बसला.

शुक्रवारी सकाळी ६:३४ वाजता कोयनानगर पासून ८ किलोमीटर अंतरावर २.८ रिश्टर स्केलचा हा धक्का जाणवला. कोयना व पोपळी या परिसरात याची जाणीव झाली. या भूकंपाच्या केंद्रबिंदूची खोली ७ किलोमीटर होती. कोयना खोऱ्यात हेळवाक गावाच्या नैऋत्येला ५ किलोमीटर अंतरावर याचा केंद्रबिंदू होता. भुकंपाचा धक्का कोयना परिसरात जाणवला.

या भुकंपाच्या धक्क्याने कोणतीही वित्तहानी झाली नसून धरण सुरक्षित असल्याची माहिती कोयना सिंचन विभागाने दिली.