मिशन लसीकरण; कऱ्हाड १ लाख ३६ हजारांवर!

कऱ्हाड : कोरोना रुग्णांची संख्या वाढत असतानाच लसीकरणालाही वेग आला आहे. कऱ्हाड तालुक्यात आरोग्य विभागाने त्यासाठी अचूक नियोजन केले आहे. प्राथमिक आरोग्य केंद्र, उपकेंद्रासह शहरातील नागरी आरोग्य केंद्र आणि उपजिल्हा रुग्णालयात टप्प्याटप्प्याने लसीकरण होत असून, आजअखेर १ लाख ३६ हजारांपेक्षा जास्त नागरिकांना लस देण्यात आली आहे.

कऱ्हाड तालुक्यातील कोरोनाबाधितांची आजपर्यंतची एकूण संख्या २३ हजारांवर आहे. त्यातच संक्रमणाचा वेग वाढत असल्यामुळे प्रशासन चिंतेत आहे. संक्रमण रोखण्यासाठी बाधितांच्या संपर्कातील व्यक्तींचा शोध घेऊन तातडीने त्यांना ‘क्वारंटाइन’ करण्यात येत आहे. तीव्र लक्षणे असणाऱ्या बाधितांना रुग्णालयात तर सामान्य लक्षणे असणाऱ्या रुग्णांना गृह अथवा संस्थात्मक विलगीकरणात ठेवण्यात येत आहे. एकीकडे कोरोनाशी लढा सुरू असताना दुसरीकडे कोरोना प्रतिबंधक लसीकरणानेही तालुक्यात वेग घेतला आहे.

सध्या सरसकट नागरिकांना लसीकरण करण्यात येत असून यापूर्वी साठ वर्षांवरील ज्येष्ठ नागरिकांचे लसीकरण करण्यात आले आहे. त्याबरोबरच आरोग्य कर्मचारी आणि अत्यावश्यक सेवेतील कर्मचाऱ्यांनाही लस देण्यात आली आहे.

- चौकट

आरोग्य केंद्रनिहाय लसीचे नियोजन

कऱ्हाडातील उपजिल्हा रुग्णालय, उंडाळेतील ग्रामीण रुग्णालय, नागरी आरोग्य केंद्र, ११ प्राथमिक आरोग्य केंद्रासह उपकेंद्रामधून नागरिकांना ही लस देण्यात येत आहे. तालुक्यातील १ लाख २७ हजार ३२७ जणांना ‘कोविशिल्ड’ तर ९ हजार ३२० जणांना ‘कोव्हॅक्सिन’ असे एकूण १ लाख ३६ हजार ६४७ जणांना लसीकरण करण्यात आले आहे.

- चौकट

लोकसंख्या : ५,८७,४११

लसीकरण : १,३६,६४७

- चौकट

झालेले लसीकरण : २३.२६ टक्के

लसीच्या प्रतीक्षेत : ७६.७४ टक्के

- चौकट

आरोग्य केंद्रनिहाय लसीकरण

हेळगाव : ४५८५

इंदोली : ६७५१

काले : १०७०७

कोळे : ६७५१

मसूर : ६८०८

रेठरे : ६०९०

सदाशिवगड : ७०२८

सुपने : ६२३५

उंब्रज : ८९९६

वडगाव : ६७५८

येवती : ५२२०

(उपकेंद्रांसह एकूण)

- चौकट

लसीकरणाचा लेखाजोखा

नागरी केंद्र, कऱ्हाड : ७७७१

ग्रामीण रुग्णालय, उंडाळे : ४००१

उपजिल्हा रुग्णालय, कऱ्हाड : २१११५

सह्याद्री : ७९३४

गुजर : १९२५

कृष्णा : ८५२६

कऱ्हाड हॉ. : ११८५

शारदा : ४४४९

श्री : ११६५

कोळेकर : १५१७

सीटी हॉ. : ३९८

सिद्धिविनायक : ७२२

- चौकट

एकूण लसीकरण - १३६६४७

शासकीय रुग्णालय : १०८८२६

खासगी रुग्णालय : २७८२१

- चौकट

लाभार्थी : पहिला डोस : दुसरा डोस

आरोग्य कर्मचारी : ९७३८ : ५४६२

फ्रंटलाईन वर्कर : ७८७२ : ३१७१

१८ ते ४४ वर्षे : ६४९८ : ५०७

४५ ते ६० वर्षे : ४७०९४ : ५१७१

६० वर्षांवरील : ४३५५६ : ७५७८

एकूण लसीकरण : ११४७५८ : २१८८९

(आरोग्य विभागाच्या १३ जूनच्या अहवालानुसार)