मोरे, सारडा, सुलके, पदमुखे यांची बाजी

सातारा : लोकमत सखीमंचतर्फे महिला दिनानिमित्त खास सखींसाठी सखी जल्लोष २०२१ अंतर्गत गॅदरिंग आणि फेसबुक लाईव्ह शो घेण्यात आला. यात मनीषा मोरे (रांगोळी स्पर्धा), स्नेहा सारडा ( ऐतिहासिक अभिनय स्पर्धा), उमा सुलखे (वेस्टर्न फॅशन शो स्पर्धा), रिद्धी पदमुखे (सोलो नृत्य) यांनी प्रथम क्रमांक पटकावित बाजी मारली.

कोरोनाच्या पार्श्वभूमीवर लोकमत सखीमंचतर्फे ६ ते १० मार्च अखेर महिलांकरीता विविध स्पर्धा घेण्यात आल्या. ऑनलाईन पद्धतीने घेण्यात आलेल्या या स्पर्धेत कोल्हापूरसह सांगली, सातारा, रत्नागिरी, सिंधुदुर्ग, आदी परिसरातील महिलांनी उच्चांकी सहभाग नोंदवित उदंड प्रतिसाद दिला.

स्पर्धेचा निकाल असा : रांगोळी स्पर्धा - मनीषा मोरे, शैलजा गिरीगोसावी, स्नेहा बारटक्के. ऐतिहासिक अभिनय स्पर्धा - स्नेहा सारडा, मोहिनी खोत, देवयानी गायकवाड. वेस्टर्न फॅशन शो - उमा सुलखे, वंदना महेकर, रुपाली जाधव. सोलो नृत्य : रिद्धी पदमुखे, नम्रता केसरकर, वृषाली डोंगरे यांचा समावेश आहे.