खासदार उदयनराजेंचा ‘पुष्पा’ स्टाईल हटके Video; सोशल मीडियावर जबराट व्हायरल

उदयनराजे पुण्यावरुन साताऱ्याच्या दिशेने निघाले होते. तेव्हा वाटेत राजधानी सेल्फी पॉईँटवर त्यांच्या आगमनाची काही मंडळी वाट पाहत होती.

सातारा – खासदार उदयनराजे भोसले हे नेहमी त्यांच्या हटके स्टाईलसाठी ओळखले जातात. कधी कॉलर उडवून तर कधी बाईक रपेट करत उदयनराजे चर्चेत असतात. परंतु सध्या गाजत असलेल्या पुष्पा सिनेमाच्या गाण्यावर उदयनराजेंनी त्यांच्या अनोख्या शैलीत कॉलर उडवत फ्लाईंग किस करत अनेकांचे लक्ष वेधून घेतले.

उदयनराजे पुण्यावरुन साताऱ्याच्या दिशेने निघाले होते. तेव्हा वाटेत राजधानी सेल्फी पॉईँटवर त्यांच्या आगमनाची काही मंडळी वाट पाहत होती. यावेळी उदयनराजे चौघा सहकाऱ्यांसोबत गाडीतून उतरले तेव्हा त्यांचा लूक पाहून अनेकजण पाहत राहिले. उदयनराजे चक्क लुंगी घालून गाडीतून उतरल्याचं पाहताच अनेकांना धक्का बसला. त्यानंतर राजे नेहमी प्रमाणे त्यांच्या शैलीत सेल्फी पॉईंटवर गेले आणि तिथे कार्यकर्त्यांसाठी फोटोसेशन केले. यावेळी लुंगी घालण्याचा काही खास बेत असं राजेंना विचारताच त्यांनी काही न बोलता हसत गाडीत जाऊन बसले.

खासदार उदयनराजेंचा हटके व्हिडिओ व्हायरल (व्हिडीओ साभार - दत्ता यादव) @Chh_Udayanrajepic.twitter.com/ehDmXtcOyV

— Lokmat (@lokmat) January 16, 2022

विशेष म्हणजे उदयनराजे जेव्हा गाडीत बसले तेव्हा अलीकडेच देशभरात गाजत असलेल्या पुष्पा या सिनेमाचं सामी सामी हे गाणं वाजत होते. दाक्षिणात्य सिनेमाने अनेक रसिक प्रेक्षकांच्या मनावर गारुड निर्माण केले आहे. त्यामुळे उदयनराजेंनीही लुंगी परिधान केली का? असा प्रश्न निर्माण झाला. उदयनराजे गाडीत बसले आणि त्यांनी नेहमीच्या ठेक्यात कॉलर उडवून उपस्थितांची मनं जिंकली. उदयनराजेंचा हा व्हिडीओ सोशल मीडियावर सध्या खूप गाजतोय.