शतपावली करणाऱ्या वृद्धाला मारहाण करून लुटले

सातारा : येथील जिल्हाधिकारी कार्यालयाजवळ रात्रीच्या सुमारास शतपावली करणाऱ्या वृद्धाला धक्काबुक्की करून अज्ञात चोरट्यांनी घड्याळ अन् मोबाईल असा १५५०० रुपयांचा ऐवज जबरदस्तीने चोरून नेला. याप्रकरणी सातारा शहर पोलीस ठाण्यात अनोळखी दोघांविरोधात गुन्हा नोंद झाला आहे.

याबाबत पोलिसांनी दिलेली माहिती अशी की, याप्रकरणी ठाकोरभाई गणपतदास शहा (वय ८४, रा. फोंडजाई मंदिराशेजारी, पोवई नाका सातारा) यांनी तक्रार दिली आहे. तक्रारीनुसार ही घटना दि. २६ जून रोजी रात्री सव्वादहा वाजता घडली आहे. तक्रारदार हे पायी चालत असताना दोन अनोळखी तरुणांनी पाठीमागून धक्का देऊन त्यांना पाडले. त्यानंतर मारहाण करून घड्याळ आणि मोबाईल जबरदस्तीने चोरून नेला. याप्रकरणी पोलीस अनोळखी चोरट्यांचा शोध घेत आहेत.

\\\\\\\\\\\\\\\\\\\\