कातरखटाव-पळसगाव रस्त्यावर कार अपघातात एकाचा मृत्यू

कातरखटाव : कातरखटाव-पळसगाव मार्गावर कारचालकाचा ताबा सुटल्याने चार चाकी कार खड्ड्यात जाऊन पलटी झाली. या अपघातात चौघे जण जखमी झाले. एकाचा उपचारादरम्यान मृत्यू झाला. हा अपघात दुपारी ३च्या सुमारास घडला. विठ्ठल गणपत जाधव असे मृत्यू झालेल्या व्यक्तीचे नाव आहे.

याबाबत माहिती अशी की, गुरसाळे ता. खटाव येथील (एमएच ४३ - बीएन ७५०३) ही चार चाकी कार पळसगावकडून कातरखटावकडे येत असताना चालकाचा अचानक ताबा सुटल्याने ती खड्ड्यात जाऊन पलटी झाली. यामध्ये दीपक विठ्ठल जाधव, सुशीला विठ्ठल जाधव, सचिन जाधव, विठ्ठल गणपत जाधव हे प्रवास करीत होते.

अपघाताची माहिती मिळताच शिवस्वराज प्रतिष्ठानच्या कार्यकर्त्यांनी घटनास्थळी जाऊन दोन जणांच्या पायाला गंभीर दुखापत झाल्याने तत्काळ रुग्णवाहिका बोलावून वडूज येथील खाजगी रुग्णालयात दाखल केले. जखमींपैकी विठ्ठल गणपत जाधव यांचा उपचारादरम्यान मृत्यू झाला.

फोटो १७कातरखटाव

कातरखटाव - पळसगाव रोडवर चार चाकी पलटी झाल्याने एकाचा मृत्यू झाला. (छाया : विठ्ठल नलवडे)