पी. डी. पाटील यांच्या प्रतिमेचे अनावरण

कऱ्हाड : वारुंजी, ता. कऱ्हाड येथील ग्रामपंचायत कार्यालयात दिवंगत पी. डी. पाटील यांच्या प्रतिमेचे अनावरण दिलीप चव्हाण व एस. बी. धुमाळ यांच्या हस्ते झाले. यावेळी सरपंच शकुंतला पवार, उपसरपंच अनुज पाटील, प्रल्हाद पाटील, विकास सेवा सोसायटीचे अध्यक्ष तानाजी देशमुख, राजेंद्र पाटील, अशोक पाटील, गौरव पाटील, माणिकराव पाटील, बाळासाहेब पाटील, अनिल पाटील, अरुण देशमुख, मोहन चव्हाण, सिद्धेश्वर पाटील, सर्जेराव पाटील, नानासो पाटील, नितीन पाटील, सुरेश पवार, संजय थोरवडे, पै. महादेव पाटील, प्रमोद पाटील, प्रांजित पाटील, सुहास पाटील, नवनाथ चव्हाण, राजकुमार पाटील, कुणाल चव्हाण, नयन पाटील, दीपक कदम तसेच ग्रामपंचायत सदस्य, ग्रामसेवक उपस्थित होते.

कालेटेकला रस्ता काँक्रिटीकरणास प्रारंभ

कऱ्हाड : कालेटेक, ता. कऱ्हाड येथील अंतर्गत रस्त्याच्या काँक्रिटीकरणाचा प्रारंभ जिल्हा काँग्रेसचे सरचिटणीस नानासाहेब पाटील यांच्या हस्ते झाला. जिल्हा परिषद सदस्या मंगल गलांडे यांच्या मागासवर्गीय फंडातून काँक्रिटीकरण कामास निधी उपलब्ध झाला आहे. कालेटेक येथील मागासवर्गीय वस्तीतील रस्त्याची दुरवस्था झाली होती. त्याचे काम होत आहे. सरपंच ॲड. पंडितराव हरदास, उपसरपंच अजित यादव, माजी उपसरपंच जयवंत यादव, राहुल यादव, संदीप साळुंखे, भाऊसाहेब यादव, माजी सरपंच बाळासाहेब जावीर, बाळासाहेब मोरे आदी उपस्थित होते. अजित यादव यांनी आभार मानले.

गोपाळ समाज संघटनेच्या शाखेचे उद्घाटन उत्साहात

कऱ्हाड : कोयना वसाहत-गोपाळनगर, ता. कऱ्हाड येथे भटक्या विमुक्त गोपाळ समाज बहुउद्देशीय सामाजिक संस्थेच्या शाखेचे उद्घाटन शिवसेना तालुका उपप्रमुख संजय चव्हाण यांच्या हस्ते करण्यात आले. यावेळी संघटनेचे अध्यक्ष सुदामराव जाधव, उपाध्यक्ष चंद्रकांत चव्हाण, खजिनदार लक्ष्मी जाधव, सचिव शंकर चव्हाण, सदस्य शिवाजी चव्हाण, शाखा अध्यक्ष विक्रम चव्हाण, उपाध्यक्ष, राजेश चव्हाण, खजिनदार अनिल चव्हाण, सचिव अमोल जाधव, आप्पासाहेब जाधव, निलेश भोपते, विश्वास पवार, विक्रम चव्हाण, सुरेश जाधव आदी उपस्थित होते.

सोनसळ फाट्यावर गटार बनतायत धोकादायक

कऱ्हाड : कऱ्हाड-तासगाव मार्गावरील सोनसळ फाट्यावर रस्त्याच्या गटारीवरील झाकणे पडल्याने धोका निर्माण झाला आहे. शेणोली ते कऱ्हाडपर्यंत रस्त्याच्या चौपदरीकरणाचे काम पूर्णत्वास आले आहे. संबंधित ठेकेदाराने रस्त्याच्या कामात हलगर्जीपणा केल्यामुळे रस्त्याच्या दर्जाबाबत शंका निर्माण झाल्या आहेत. सोनसळ फाट्यावर गटारावर झाकण नसल्याने पादचाऱ्यांचा अपघात होऊ शकतो. शेणोली ते कार्वे नाक्यापर्यंत ठिकठिकाणी अशी स्थिती आहे. याकडे लक्ष देण्याची गरज आहे.