खटावमध्ये लवकरच पत्रकार भवन : नंदकुमार वायदंडे

खटाव : ‘समाजाला दिशा देण्याचे काम पत्रकार करत असतात. वेळप्रसंगी सामाजिक बांधिलकी जोपासत समाजातील गरजू लोकांना मदतीचा हातही देतात. खटावमध्ये पत्रकार भवन उभे करावे, अशी मागणी खटावमधील पत्रकारांची आहे. याविषयी ग्रामपंचायतीच्यावतीने लवकरच जागा उपलब्ध करून आमदार महेश शिंदे यांच्या सहकार्यातून या भवनाची लवकरच उभारणी करण्यात येईल,’ असे प्रतिपादन खटावचे सरपंच नंदकुमार वायदंडे यांनी केले.

पत्रकार दिनानिमित्त पत्रकारांचा सत्कार खटाव ग्रामपंचायतीच्यावतीने करण्यात आला, याप्रसंगी ते बोलत होते. यावेळी उपसरपंच अमर देशमुख, ग्रामपंचायत सदस्य दीपक घाडगे, चाँदभाई मुल्ला, रमेश शिंदे, गजेंद्र राजपुरोहित, विशाल देशमुख, श्रीरंग इंगळे, मधुकर कुंभार, अनिल पवार, संजय देशमुख, नदीम मुल्ला, किरण देशमुख आदींची प्रमुख उपस्थिती होती.

कोरोनाच्या काळात सहकार्य करणाऱ्या पुरोहित यांचा, तसेच वृत्तपत्र विक्रेते अनिल पवार यांचा यावेळी सत्कार करण्यात आला. अमर देशमुख यांनी प्रास्ताविक केले. किरण देशमुख यांनी आभार मानले.