Accident: चालकाचे नियंत्रण सुटल्याने कार घुसली घरात, सुदैवाने जिवीतहानी टळली
By ऑनलाइन लोकमत | Published: July 19, 2022 01:29 PM2022-07-19T13:29:23+5:302022-07-19T13:30:05+5:30
अपघातात घराचे आणि गाडीचे मोठे नुकसान
Accident: चालकाचे नियंत्रण सुटल्याने कार घुसली घरात, सुदैवाने जिवीतहानी टळली
Next सातारा : साताऱ्यातील पर्यटनासाठी प्रसिद्ध असलेल्या कास पठारावर फिरण्यासाठी आलेल्या पर्यटकांची गाडी चक्क घरात घुसली. सुदैवाने यात कोणीही जखमी झाले नाही. हा अपघात सोमवारी दुपारी सातारा-कास रस्त्यावर झाला.
याबाबत पोलिसांनी दिलेली माहिती अशी, साताऱ्याकडे येणाऱ्या रस्त्यावरील एका घरात पर्यटकाची गाडी अचानक घुसली. चालकाचे नियंत्रण सुटल्याने हा अपघात झाला. मात्र, सुदैवाने या अपघातामध्ये कोणतीही जखमी झाले नाही. परंतु या अपघातात घराचे आणि गाडीचे मोठे नुकसान झाले. या घटनेची माहिती मिळताच स्थानिक नागरिकांसह पर्यटकांनी दुसऱ्या गाडीच्या साह्याने घरामध्ये शिरलेली गाडी दोरीच्या साह्याने ओढून बाहेर काढली. सातारा तालुका पोलीस ठाण्यात या घटनेची रात्री उशिरापर्यंत नोंद झाली नव्हती.