सैदापुरातून दुचाकीची चोरी

सातारा : शहरालगत असणाऱ्या सैदापूर गावच्या हद्दीत असणाऱ्या निकी बंट्स हॉटेलच्या पार्किंगमधून दुचाकी चोरीला गेल्याची तक्रार सातारा तालुका पोलीस ठाण्यात दाखल झाली आहे.

याबाबत अधिक माहिती अशी, अमोल भीमराव चव्हाण (वय ३३, रा. शिवम कॉलनी, बदामी विहिरीजवळ, सातारा) या युवकाने त्याची दुचाकी (एमएच ०९ - सीएन ४०८९) शनिवार, दि. १३ रोजी सायंकाळी ७ वाजण्याच्या सुमारास निकी बंटस हॉटेलच्या पार्किंगमध्ये पार्क केली होती. मात्र, कोणीतरी अज्ञाताने ती चोरून नेली. याप्रकरणी अमोल चव्हाण यांनी सोमवार, दि. १५ रोजी सायंकाळी ५ वाजण्याच्या सुमारास सातारा तालुका पोलीस ठाण्यात तक्रार दिली. त्यानंतर पोलिसांनी अज्ञातावर गुन्हा दाखल केला. अधिक तपास पोलीस नाईक शिंदे हे करत आहेत.