पुलाला धडकल्याने दुचाकीस्वार ठार

घटनास्थळ तसेच वाठार पोलीस ठाण्याकडून मिळालेल्या माहितीनुसार, लखन धोंडीबा राजगे (वय ३०, रा. क्षेत्रमाहुली ता. जि. सातारा) हा मंगळवारी दुपारी साडेबारा ते एकच्या दरम्यान वाठार स्टेशनकडून पिंपोडे बुद्रुककडे भरधाव वेगात मोटरसायकल (एमएच ११ बीयू १८१५) वरून निघाला होता. भरधाव वाहनावरील ताबा सुटल्याने गाडीने वाकड्या पुलाला जोरदार धडक दिली. या धडकेत मोटारसायकल चालक लखन राजगे याच्या डोक्याला गंभीर दुखापत झाल्याने जागीच ठार झाला. दुचाकीची धडक एवढी जोरात होती की, दुचाकी चालक कठड्याला धडकून तीस फूट खाली पुलाखाली पडला. मोटारसायकल पुलाला अडकून पडली होती. अपघाताची माहिती मिळताच वाठार पोलीस ठाण्याचे सहायक पोलीस निरीक्षक स्वप्निल घोंगडे व कर्मचारी घटनास्थळी दाखल झाले. वाठार पोलीस तपास करीत आहेत.

आयकार्ड फोटो

१०लखन राजगे