ट्रकच्या धडकेत दुचाकीस्वार ठार

वेळे : एका भरधाव मालट्रकने समोरून निघालेल्या दुचाकीला पाठीमागून जोरदार धडक दिली. या धडकेत दुचाकीस्वार तरुण जागीच ठार झाला. अमोल शिवाजी पवार (वय ३०, रा. पिंपोडे बुद्रुक) असे ठार झालेल्या तरुणाचे नाव असून, मिथुन पवार (२७) हा तरुण गंभीर जखमी झाला आहे.

याबाबत अधिक माहिती अशी की, सध्या कोरेगाव येथे राहणारे अमोल पवार वय व मिथुन उत्तम पवार हे तरुण शिरवळ येथे मोलमजुरी करून कुटुबाचा उदरनिर्वाह चालवीत होते. शुक्रवारी दुपारी ३ वाजण्याच्या सुमारास दोघेही दुचाकीवरून (एमएच ११ सीयू ८०८६) वरून आपल्या मूळ गावी पिंपोडेकडे निघाले होते. खंबाटकी घाटातून वेळे गावच्या हद्दीत येताच पाठीमागून भरधाव वेगात आलेल्या एका मालट्रकने (एमएच ४३ डीजी ९९१५) त्यांच्या दुचाकीला जोरदार धडक दिली.

ही धडक इतकी भीषण होती की दुचाकी चालविणारा अमोल पवार याचा जागीच मृत्यू झाला तर मागे बसलेला मिथुन पवार हा गंभीर जखमी झाला. या अपघाताची माहिती मिळताच भुर्इंज........... पोलीस ठाण्याचे सहायक पोलीस निरीक्षक आशिष कांबळे यांनी घटनास्थळी धाव घेतली. दरम्यान, अपघातानंतर संबंधित ट्रकचालकाने घटनास्थळावरून पलायन केले. त्याच्याविरुद्ध भुर्इंज.................. पोलीस ठाण्यात गुन्हा नोंद झाला आहे. दरम्यान, मृत अमोल पवार याचा मृतदेह शवविच्छेदनानंतर नातेवाईकांच्या ताब्यात देण्यात आला.