पाडेगावच्या उपसरपंचपदी उषा जाधव बिनविरोध

तरडगाव : फलटण तालुक्यातील पाडेगाव ग्रामपंचायतीच्या उपसरपंचपदी उषा भारत जाधव यांची बिनविरोध निवड झाली. सरपंच स्मिता खरात यांच्या अध्यक्षतेखाली घेण्यात आलेल्या बैठकीत ही निवड बिनविरोध झाल्याचे जाहीर करण्यात आले.

निवडणुकीची प्रक्रिया प्रशासकीयदृष्ट्या पार पाडण्यासाठी बालविकास प्रकल्प अधिकारी भरत कोळेकर यांनी कामकाज पाहिले. त्यांना ग्रामसेवक एम. बी. बळीप यांनी सहकार्य केले. निवडीबद्दल विधान परिषदेचे सभापती रामराजे नाईक-निंबाळकर, जिल्हा परिषदेचे माजी अध्यक्ष संजीवराजे नाईक-निंबाळकर, आमदार दीपक चव्हाण, रघुनाथराजे नाईक-निंबाळकर आदींनी त्यांचे कौतुक केले. यावेळी हभप दिलीप झगडे महाराज, दशरथ मोहिते, राजेंद्र नेवसे, कांतिलाल रायकर, बाळासाहेब जाधव, सतीश पिंगळे, आबासाहेब जाधव, तुळशीराम ताम्हाणे, शेखर खरात, बिपीन मोहिते, राजाराम भुजबळ, राजेश खरात, रघुनाथ लकडे, रोहिदास पिंगळे, नितीन जगताप, राजेंद्र अडसुळ, किरण खरात, भानुदास अडसूळ, ग्रामपंचायत सदस्य व ग्रामस्थ उपस्थित होते.