वैशालीताई शिंदे यांची रेल्वेच्या सल्लागार समितीवर निवड

फलटण : येथील आयडियल इंटरनॅशनल स्कूलच्या संस्थापिका वैशालीताई शिंदे यांची मध्य रेल्वेच्या सल्लागार समितीवर नियुक्ती करण्यात आली. नियुक्तीबद्दल त्यांचे विविध स्तरांवरून कौतुक होत आहे.

भारत सरकारतर्फे केंद्रीय रेल्वेमंत्री पीयूष गोयल यांनी रेल्वे सल्लागार समितीवर वैशालीताई शिंदे यांची नियुक्ती केली असून त्यांचे कार्यक्षेत्र भारतीय मध्य रेल्वे असणार आहे. मध्य रेल्वेअंतर्गत महाराष्ट्र, कर्नाटक, मध्य प्रदेश व उत्तर प्रदेश या राज्यांतील काही प्रदेशांचा समावेश आहे.

सर्वसामान्य कुटुंबातील व्यक्तीला चार राज्यांत रेल्वे विभागात सल्लागार समिती सदस्य म्हणून काम करण्याची संधी मिळाली. निवडीमागे सर्व हितचिंतकांचा, आयडियल विद्यार्थी, शिक्षक, पालकांचा तसेच फलटण शहरातील आणि बिदालच्या नागरिकांचा हातभार आहे. नवीन जबाबदाऱ्या, नव्या क्षेत्रांतील आव्हाने खंबीरपणे सामोरे जाण्यासाठी सर्वांच्या सदिच्छा नेहमीच प्रेरणादायी ठरतील, असा विश्वास वैशाली शिंदे यांनी व्यक्त केला. (वा. प्र.)

२५वैशाली शिंदे