सर्जापूरच्या सरपंचपदी स्वागता बोराटे

कुडाळ : जावळी तालुक्यातील सर्जापूर ग्रामपंचायतीच्या झालेल्या सरपंच निवडणुकीत स्वागता अमोल बोराटे, तर उपसरपंचपदी शंकर विठ्ठल मोहिते यांची बिनविरोध निवड झाली. निवडणूक निर्णय अधिकारी म्हणून महेश कोन्हाळीकर यांनी काम पाहिले.

या निवडीबद्दल जावळीचे विद्यमान आमदार शिवेंद्रसिंहराजे भोसले यांनी सर्वांचे कौतुक केले. सरपंच व उपसरपंच पदाच्या निवडीसाठी नवनिर्वाचित सदस्यांची बैठक बोलावण्यात आली होती. यामध्ये सरपंच व उपसरपंच पदाच्या बिनविरोध निवडी जाहीर करण्यात आल्या. यावेळी फटाक्यांची आतषबाजी करत नवनिर्वाचित सरपंच, उपसरपंच, सदस्य यांचे स्वागत करण्यात आले. याप्रसंगी ग्रामपंचायत सदस्य देविदास बोराटे, मयूर मोहिते, मनीषा बोराटे, सारिका मोहिते, विठ्ठल मोहिते, गंगाधर बोराटे, विक्रम गायकवाड, निखिल बोराटे, विनायक मोहिते, रेखा मोहिते, आदी उपस्थित होते.