शेतात मेंढरे गेली म्हणून युवकास मारहाण

सातारा : शेतात मेंढरे गेली, म्हणून एका युवकास मारहाण करून गंभीर जखमी केल्याचा प्रकार माण तालुक्यातील गावात घडला. नागू गलबू वीरकर (वय ३०, रा.म्हसवड, जि.सातारा) असे जखमी झालेल्याचे नाव आहे. दरम्यान, जगमी नागू याच्यावर सातारा येथील क्रांतिसिंह नाना पाटील जिल्हा रुग्णालयात उपचार सुरू आहेत.

याबाबत अधिक माहिती अशी की, नागू हा शुक्रवार, दि.९ रोजी दुपारी तीन वाजण्याच्या सुमारास त्याच्या शेतात मेंढरे चारण्यासाठी घेऊन गेला होता. यावेळी त्याची मेंढरे धुरपाबाई वीरकर (रा.म्हसवड, जि.सातारा) यांच्या शेतात गेली. मेंढरे शेतात गेल्याची पाहून धुरपाबाई यांनी नागू यास माझ्या शेतात तुझी मेंढरे का गेली, अशी विचारणा केली. यावरून दोघांच्यात बाचाबाची झाली. यावेळी धुरपाबाई यांनी नागू याला दगडाने मारहाण केली. यात नागू गंभीर जखमी झाला. या घटनेनंतर नागू याला उपचारासाठी जिल्हा रुग्णालयात दाखल करण्यात आले. या घटनेची नोंद सातारा जिल्हा रुग्णालयातील पोलीस चौकीत झाली आहे.

.