कंत्राटी वायरमन विद्युत खांबावरून कोसळला 

सावंतवाडीतील घटना : रूग्णालयात दाखल 

सावंतवाडी : विजेच्या खांबावरून कोसळल्यामुळे सावंतवाडीत वायरमन घननिल मिशाळ(27) हा जखमी झाला आहे. ही घटना शुक्रवारी साडेबारा वाजण्याच्या सुमारास येथील मच्छी मार्केट परिसरात असलेल्या इको बँकसमोर घडली. 

मिशाळ यांना तातडीने अधिक उपचारासाठी कुटीर रुग्णालयात दाखल करण्यात आले आहे. तो येथील मच्छी मार्केट परिसरात ट्रांसफार्मर वर चढून काम करत होता, दरम्यान अचानक तो खाली कोसळला. यात त्याच्या डोक्याला गंभीर दुखापत झाली आहे.यावेळी त्या ठिकाणी असलेल्या नागरिकांनी त्याला तात्काळ रिक्षात घालून कुटीर रुग्णालय हलविले.

दरम्यान घडल्या प्रकारानंतर विद्युत अधिकाऱ्यांनी घटनास्थळावर तसेच रूग्णालयात धाव घेतली घननिल हे कंत्राटी वायरमन असून त्यांना विजेच्या पोलवर चढल्यावर शाॅक आला आणि ते खाली कोसळले असे अधिकाऱ्यांकडून स्पष्ट करण्यात आले त्यांनी संरक्षक कपडे घातले नव्हते असे ही दिसून येते पावसाळ्यात खास असे संरक्षक किट वापरण्यात यावे असे आवाहन अधिकाऱ्यांकडून करण्यात आले आहे.दरम्यान मिशाल यांची प्रकृती सुधारत असून घटनेनंतर अधिकारी कर्मचारी रूग्णालयात दाखल होत त्याला धीर दिला.