Accident: जानवलीजवळ इनोव्हा कार आणि लक्झरीमध्ये भीषण अपघात, ९ जण जखमी
By ऑनलाइन लोकमत | Published: February 13, 2022 12:41 PM2022-02-13T12:41:43+5:302022-02-13T12:42:37+5:30
Accident News: कोल्हापूरहून मालवणच्या दिशेने मुंबई गोवा महामार्गावरून जाणाऱ्या इनोव्हा कारने जानवली येथील एका गॅरेज लगत उभ्या असलेल्या लक्झरीला जोरदार धडक दिली.
Accident: जानवलीजवळ इनोव्हा कार आणि लक्झरीमध्ये भीषण अपघात, ९ जण जखमी
Next कणकवली - कोल्हापूरहून मालवणच्या दिशेने मुंबई गोवा महामार्गावरून जाणाऱ्या इनोव्हा कारने जानवली येथील एका गॅरेज लगत उभ्या असलेल्या लक्झरीला जोरदार धडक दिली. त्यामुळे झालेल्या अपघातात इनोव्हा कार मधील नऊ प्रवासी किरकोळ जखमी झाले आहेत. हा अपघात सकाळी ९.३० वाजण्याच्या दरम्यान घडला.अपघाताची माहिती समजताच स्थानिकांनी अपघात स्थळी धाव घेत जखमींना तत्काळ कणकवली उपजिल्हा रुग्णालयात उपचारासाठी दाखल केले.
याबाबतची अधिक माहिती अशी की,इनोव्हा कार मधील प्रवासी हे कोल्हापूर वरून मालवणच्या दिशेने जात होते. कणकवली नजीक जानवली येथील मारुती सुजूकी शोरूम दरम्यान इनोव्हा कार चालकाचा गाडीवरील ताबा सुटून एका गँरेज समोर उभ्या असलेल्या लक्झरीला जोरदार धडक बसली. यामध्ये इनोवा कारचा दर्शनी भाग मागच्या सीट पर्यंत येऊन पूर्णता चक्काचूर झाला आहे. या अपघातानंतर कणकवली पोलिस घटनास्थळी दाखल झाले असून पंचनाम्याचे काम सुरू आहे.