आचरा समुद्रात पात बुडाली; सुदैवाने मच्छिमार बचावले

समुद्राच्या खडकाच्या आधाराला राहिलेल्या मच्छिमारांना पिरावाडी येथील मच्छिमारांनी धाव घेत सुखरूप वाचवले.

महेश सरनाईक

आचरा (सिंधुदुर्ग ) : शनिवारी पहाटे मासेमारी साठी म्हणून पूजा पात घेऊन गेलेले आचरा पिरावाडी येथील तीन मच्छिमारांची जाळी समुद्राला आलेल्या उधाणामुळे होडीच्या पंख्याला अडकून झालेल्या दुर्घटनेत तीन मच्छिमार पाती बाहेर फेकले गेले. समुद्राच्या खडकाच्या आधाराला राहिलेल्या मच्छिमारांना पिरावाडी येथील मच्छिमारांनी धाव घेत सुखरूप वाचवले.

आचरा समुद्रात शनिवारी पहाटे पाच वाजण्याच्या सुमारास आचरा पिरावाडी येथील मच्छिमार विदेश नारायण कुमठेकर,आदित्य बापू धुरी,वैभव कुमठेकर हे आपली पूजा पात घेऊन मच्छिमारी साठी गेले होते. मुणगे तालुका देवगड बाजूने मासेमारी करत असताना अकस्मात समुद्राला आलेल्या उधाणामुळे मासेमारी साठी समुद्रात टाकलेली जाळी होडीच्या इंजिनच्या पंख्याला अडकून इंजिन बंद पडल्याने होडी मुणगेआडबंदर मोबार धाकटे केवूंडले येथील खडकाळ भागात दगडांवर आपटल्याने झालेल्या दुर्घटनेत होडीतील तिघेही बाहेर फेकले गेले. खडकांच्या आधारामुळे सुदैवाने होडीतील तिघेही बचावले.

सदर दुर्घटनेची माहिती समुद्रात मच्छिमारी करणारे लियाकत मुजावर यांनी आचरा येथील मुझफ्फर मुजावर, सकलेन मुजावर आदींना फोन करुन सांगितल्यावर आचरा पिरावाडी येथील सकलेनमुजावर , आदिल मुजावर,, राजू मुजावर,साहिल मुजावर,मुझफ्फर मुजावर,दिनकर कुबल, बुधाजी पाटील,दर्शन तारी झहिर मुजावर रशिक जोशी हिमांशु पाटील,सचिन सारंग,दिलिप तोडणकर,यांसह अन्य मच्छिमार गाडीने आडबंदर येथे जात खडकात अडकलेल्या मच्छिमारांना सुखरूप आचरा येथे घेऊन आले घटनेची खबर मिळताच आचरा पोलीस स्टेशनचेसहाय्यक पोलीस उपनिरीक्षक महेश देसाई, पोलीस नाईक परब,जगताप, मनोज पुजारे तसेच माजी जिल्हा परिषद सदस्य जेरान फर्नांडिस,अनिल करंजे, पाडूरंग वायंगणकर यांनी घटनास्थळी धाव घेतली होती.