सिंधुदुर्ग नियोजित मैदानी स्पर्धा कार्यक्रमामध्ये बदल
By लोकमत न्यूज नेटवर्क | Published: September 19, 2017 05:53 PM2017-09-19T17:53:12+5:302017-09-19T18:00:55+5:30
मैदानावर पाणी साचल्याने क्रीडा व युवक सेवा संचालनालय, महाराष्ट्र राज्य अंतर्गत सिंधुदुर्ग कार्यालयाच्या वतीने जिल्हास्तरीय शालेय मैदानी स्पर्धांचे आयोजन दिनांक 23 ते 25 सप्टेंबर या दोन दिवशी घेण्यात येणार आहे.
सिंधुदुर्ग नियोजित मैदानी स्पर्धा कार्यक्रमामध्ये बदल
सिंधुदुर्गनगरी दि. 19 : मैदानावर पाणी साचल्याने क्रीडा व युवक सेवा संचालनालय, महाराष्ट्र राज्य अंतर्गत सिंधुदुर्ग कार्यालयाच्या वतीने जिल्हास्तरीय शालेय मैदानी स्पर्धांचे आयोजन दिनांक 23 ते 25 सप्टेंबर या दोन दिवशी घेण्यात येणार आहे.
क्रीडा व युवक सेवा संचालनालय, महाराष्ट्र राज्य अंतर्गत या कार्यालयाच्या वतीने जिल्हास्तरीय शालेय मैदानी स्पर्धांचे आयोजन दिनांक 18 ते 20 सप्टेंबर 2017 या कालावधीत जिल्हा क्रीडा संकुल, सिंधुदुर्ग येथे करण्याचे नियोजित होते. परंतु दि. 17 सप्टेंबर 2017 व 18 सप्टेंबर 2017 रोजी ढगाळ हवामान व सतत पाऊस पडत असल्याने दिनांक 18 सप्टेंबर 2017 रोजी मैदानावर पाणी साचले होते.
जिल्हा क्रीडा अधिकारी यांनी मैदानाची प्रत्यक्ष पाहणी करुन व उपस्थित तालुका क्रीडा समन्वयक / क्रीडा शिक्षक यांचेशी चर्चा करुन नियोजीत स्पर्धाचे आयोजन रद्द करण्याचा निर्णय घेतला आहे.
जिल्हा क्रीडा अधिकारी यांनी उपस्थित क्रीडा समन्वयक / क्रीडा शिक्षक यांचेशी चर्चा करुन जिल्हास्तरीय शालेय मैदानी स्पर्धा दिनांक 23 ते 25 सप्टेंबर 2017 या दोन दिवशी घेण्याचे सुधारीत नियोजन केले आहे.
या परिपत्रकाव्दारे जिल्हास्तरीय शालेय मैदानी स्पर्धांचा सुधारीत आयोजन कार्यक्रम पुढील प्रमाणे निश्चित करण्यात येत आहे. दिनांक 23 सप्टेंबर 2017 रोजी 14 व 19 वर्षाखालील मुले व मुली यांच्या स्पर्धा होतील. तर दिनांक 25 सप्टेंबर 2017 रोजी 17 वर्षाखालील मुले व मुली यांच्या स्पर्धा जिल्हा क्रीडा संकुल, सिंधुदुर्ग येथे होतील.
झालेल्या बदलाची नोंद सहभागी होणारे सर्व खेळाडू, क्रीडा शिक्षक, शैक्षणिक संस्था, पालक यांनी घ्यावी. दि. 19 व 20 सप्टेंबर 2017 रोजी नियोजित स्पर्धा होणार नाहीत. तसेच सुधारीत आयोजन कार्यक्रमानुसार खेळाडू उपसिथत राहतील याबाबत क्रीडा शिक्षक, शैक्षणिक संस्था, पालक यांनी आवश्यक ती कार्यवाही करावी असे आवाहन जिल्हा क्रीडा अधिकारी यांच्यावतीने करण्यात येत आहे. अधिक माहितीसाठी या कार्यालयाचा ब्लॉग www.dsosindhudurg.blogspot.in येथे पहावे.
