गाव भरलो, मानव हरलो

मालवणी तडका

सकलो : गाव भरलो मानव हरलो ही काय भानगड ?
तुकलो : तीन दिवसांची गावान गावाक सुट्टी देवन गाव सीमेभायर वसलो आनी आता परत भरलो.
सकलो : मेल्यानू ही अंधश्रध्दा हा.
तुकलो : असा कोन म्हनता ?
सकलो : मानव थोर श्रध्दा अंधश्रध्दा मास्टरी करनारो मानव म्हनता.
तुकलो : खूळो हा तो, तेना खुटवळवाडीतलो चंद्रकांत लाड चौदा वर्सा स्मशानात रवता, तेका जावन भेटाचा आनी आपली अक्कल थय पाजळूची.
सकलो : तू खूप चिडलस.
तुकलो : खूप चिडलय, माका सांग कोर्टात साक्ष देतना कसली शपथ घेतत ? देवाची घेतत मा ? कित्यारे ती शपथ घेतत. ते दानव म्हनान की मानसातले माणूस म्हनान.
सकलो : तू हात धूवन सो पाठी लागलस तेंच्या.
तुकलो : सांगना माका देवाची शपथ घेतत मा. तीसुध्दा देवाशपथ खर सांगेन खोट सांगणार नाही, ह्या मानवाक म्हायत नाय काय रे ? देवाच्या भीतीन तरी मानूस खरा बोलात. मानव नाय बोलाचो मातर मानवातलो माणूस नाय खोटा बोलाचो.
सकलो : खरा हा. आमी पन अंधश्रध्देच्या इरोधात हव.
तुकलो : अंधश्रध्देच्या इरोधात व्हयाच, पन श्रध्देच्या न्हय.
सकलो : तेचेसाठी श्रध्दा म्हंजे काय नी अंधश्रध्दा म्हंजे काय, ती कशाबरोबर खातत ता म्हायत व्हया.
तुकलो : खरा हा. जेचेपासून कोनाक तरास होना नाय अशी श्रध्दा बाळगाक व्हया. नायतर कोर्टाक चॅलेंज कर दाखव देव म्हनान, आनी देवाची शपथ घेवन सुध्दा खोटा बोलनारे पन मानव आसतच मरे.
सकलो : खरा हा. पन कायजन पोलिसांका भीयातत. कायजन दादा भाईलोकांका भीयातत. कायजन देवाक भीयातत म्हनान कोर्टात देवाची शपथ घेवक लावतत. खयसूनव काय तर बरा भायर पडाक व्हया.
तुकलो : पन माका प्रसिध्दीच होयी झाली तर.
सकलो : तर तेचो मानव व्हतलो मी जिंकलय म्हनान आरडत व्हतो. तुझा जिंकना म्हंजे काय, रुढी परंपरेत हस्तक्षेप करना.
तुकलो : हस्तक्षेप करुक व्हयो पन वायट कायतरी व्हयत असात तर जर बरा व्हयत आसात तर काय हरकत हा.
सकलो : खरा हा. आज वाडीवाले मूक मोर्चा काढतले. बोलाचे आदी काय सांगतले असा मानव म्हनात पन ते सगळे येक झाले ह्या काय वायट हा.
तुकलो : मानवा देश नास्तिक बनव नुको, सायन्स नर मादी बघता, माणूस आवस, भैन मानता, तू मास्टरी केल्यामुळे मी काय सांगतय ता नाय कळाचा.
सकलो : खूप झाला प्रबोधन वगीय जास्त प्रबोधन सुध्दा बरा नाय.
तुकलो : श्रध्दा अंधश्रध्दा हेंचो अनुभव घेवचो हा तर कुडाळ तालुक्यात खुटवळवाडीत चंद्रकांत लाडाक स्मशानात जावन भेटा.
- विजय पालकर