Lok Sabha Election 2019सावंतवाडी : केसरकरांचा "गणपती' लवकरच रेडीच्या समुद्रात बुडवू...: संदीप कुडतरकर

राणेंचे पार्सल मुंबईत पाठवण्याची भाषा करणा-या पालक मंत्री दीपक केसरकर यांचा लवकरच रेडीच्या समुद्रात गणपती बुडवू अशी टीका महाराष्ट्र स्वाभिमान पक्षाचे प्रवक्ते संदीप कुडतरकर यांनी केली

ठळक मुद्देकटकारस्थान करून केसरकरांनी राजकारणात यश मिळवले...ज्या राणेंमुळे केसरकर राजकारणात आले त्यांच्या विषयीच असं वक्तव्य करणे हे कितपत योग्य आहे असाही सवाल कुडतरकर यांनी केला.

सावंतवाडी : राणेंचे पार्सल मुंबईत पाठवण्याची भाषा करणा-या पालक मंत्री दीपक केसरकर यांचा लवकरच रेडीच्या समुद्रात गणपती बुडवू अशी टीका महाराष्ट्र स्वाभिमान पक्षाचे प्रवक्ते संदीप कुडतरकर यांनी केली.आज येथे आयोजित पत्रकार परिषदेत ते बोलत होते.
       माजी राज्यमंत्री प्रवीण भोसले यांच्याशी कटकारस्थान करून त्यांना संपून श्री.केसरकर राजकारणात आले आहेत.त्यानंतर श्री.राणे यांच्याविरोधात त्यांनी काम केले.अशा मतलबी केसरकरांना योग्य ती जागा दाखवून देऊ असा इशारा कुडतरकर यांनी दिला.आमचे नेते राणे आहेत त्यांच्यावर टोकाला जाऊन बोलू नका अन्यथा तुमची अंडी-पिल्ली बाहेर काढून असाही इशारा कुडतरकर यांनी दिला.
         

लोकसभेचे उमेदवार खासदार विनायक राऊत यांच्या प्रचारादरम्यान श्री.केसरकर राणे घराण्यावर बेताल वक्तव्य व आरोप करत चालले आहेत.ज्या राणेंमुळे केसरकर राजकारणात आले त्यांच्या विषयीच असं वक्तव्य करणे हे कितपत योग्य आहे असाही सवाल कुडतरकर यांनी केला.
         कुडतरकर म्हणाले पालकमंत्री केसरकर यांना आपण जिल्ह्याचा विकास करण्यात आपण कमी पडलो याची जाणीव झाली आहे त्यामुळे.केसरकर अशा प्रकारची वक्तव्य करत सुटले आहेत.स्वाभिमान चे प्रवक्ते संदिप कुडतरकर,नगरसेवक सुधीर आडिवरेकर,मंदार नार्वेकर,मनोज नाटेकर, गुरू मठकर आदी उपस्थित होते.