गुरूवर्य जेवढी टिका करतील तेवढे प्रेम वाढणार; विशाल परब यांचे नारायण राणेंना प्रत्युत्तर

अपक्ष उमेदवार विशाल परब व उपमुख्यमंत्री देवेंद्र फडणवीस यांच्यातील ऑडिओ किल्प व्हायरल झाली त्यावर 23 नोव्हेंबर नंतर बोलणार असे ही परब यांनी स्पष्ट केले.

सावंतवाडी : माझ्यावर टिका करणारे हून माझे गुरूवर्य असून त्यांनी शिष्यावर कितीही टिका केली तरी त्यांना मी उत्तर देणार नाही.गुरू हा गुरूच असतो ते जेवढी टिका करतील तेवढे त्याच्याबद्दल माझे प्रेम वाढेल अशा शब्दांत सावंतवाडीतील अपक्ष उमेदवार विशाल परब यांनी नाव न घेता माजी मुख्यमंत्री खासदार नारायण राणे यांना प्रत्युत्तर दिले.

तसेच अपक्ष उमेदवार विशाल परब व उपमुख्यमंत्री देवेंद्र फडणवीस यांच्यातील ऑडिओ किल्प व्हायरल झाली त्यावर 23 नोव्हेंबर नंतर बोलणार असे ही परब यांनी स्पष्ट केले.

ते सावंतवाडीत आयोजित पत्रकार परिषदेत बोलत होते. शनिवारी सावंतवाडीत झालेल्या प्रचार सभेत खासदार राणे यांनी नाव न घेता विशाल परब यांच्यावर सडकून टिका केली होती.त्याला परब यांनी प्रत्युत्तर दिले.

परब म्हणाले,प्रथमच एक अपक्ष उमेदवार सत्ताधारी पक्षाला जड जातना दिसत आहे.त्यामुळेच माझ्यावर नाहक आरोप केले जात आहे.पण मी घाबरणार नाही कारण माझ्या पाठीशी सावंतवाडीतील जनता आहे.त्याचे प्रेम मला मोठ्याप्रमाणात मिळत आहे.असे सांगत परब यांनी मी कुणावर टिका करणार नाही असे यावेळी स्पष्ट केले.

माझ्यावर माझे गुरू खासदार नारायण राणे यांनी टिका केली.ही टिका मी प्रेमाने स्वीकारतो ते जेवढी टिका करणार तेवढी लोक अजून माझ्यावर प्रेम करतील केलेल्या टिकेला मतदार मतपेटीतून प्रेमाने उतराई करतील असा विश्वास परब यांनी व्यक्त केला.तसेच राणेंचे नाव न घेता त्यांना प्रत्युत्तर दिले.

तसेच मागील काहि दिवसांपासून अपक्ष उमेदवार विशाल परब व उपमुख्यमंत्री देवेंद्र फडणवीस यांच्यातील ऑडिओ किल्प व्हायरल झाली होती यावरून जिल्ह्यात एकच खळबळ उडाली होती.या किल्प वर परब यांना विचारले असता मी यावर आता बोलणार नाही मात्र यावर 23 नोव्हेंबर नंतर नक्कीच बोलणार असे ही परब यांनी स्पष्ट केले आहे.यावेळी जयेश राणे,साद शेख,उमाकांत वारंग आदी पदाधिकारी उपस्थित होते.