नशीबवान! गर्लफ्रेन्डने बॉयफ्रेन्डला लग्नासाठी प्रपोज तर केलंच, BMW अन् घरही केलं गिफ्ट...

एका २४ वर्षीय तरूणीने सर्वांनाच आश्चर्याचा धक्का दिला. या तरूणीने स्वत:च बॉयफ्रेन्डला लग्नासाठी प्रपोज केलं. ​​

मुलांनी गुडघ्यावर बसून मुलींना प्रपोज करताना तुम्ही अनेकदा पाहिलं असेल. पण चीनमध्ये एका २४ वर्षीय तरूणीने सर्वांनाच आश्चर्याचा धक्का दिला. या तरूणीने स्वत:च बॉयफ्रेन्डला लग्नासाठी प्रपोज केलं. इतकंच नाही तर तिने बॉयफ्रेन्डला बीएमडब्ल्यू कार आणि घरही गिफ्ट केलं. खरंच किती नशीबवान असेल ना तो?

मीडिया रिपोर्ट्सनुसार, हे कपल दीड वर्षाआधी एकमेकांना भेटलं होतं. अशात जिथे ते पहिल्यांदा भेटले होते, तिथेच भेटण्याचा त्यांनी प्लॅन केला. पण तरूणीच्या मनात बरंच काही सुरू होतं. जे त्या मुलाला माहीत नव्हतं. दोघेही एका हॉलमध्ये गेले. तिथे मित्रांच्या आणि परिवारातील लोकांच्या मदतीने तरूणीने बॉयफ्रेन्डसाठी सरप्राइज तयार केलं होतं.

जेव्हा दोघे हॉलमध्ये पोहोचले तेव्हा Xiaoke ने Xiaojing ला प्रपोज केलं. त्याला एक गुलदस्ता भेट दिला. याच गुलदस्त्यात फुलांमध्ये एक बीएमडब्ल्यू कारची चावी आणि घराची कागदपत्रे होती. आता या दोघांचा व्हिडीओ सोशल मीडियात व्हायरल झाला आहे.