खतरों का खिलाडी! रेल्वे रुळावरच ढाराढूर झोपला, नंतर एक्स्प्रेस आली अन् उडाला गोंधळ

Railway Viral Video News: सोशल मीडियावर एका व्हिडीओने सगळ्यांचे लक्ष वेधून घेतले. एक व्यक्ती रेल्वे रुळावरच ढाराढूर झोपल्याचे या व्हिडीओत दिसत असून, ही घटना उत्तर प्रदेशातील असल्याचे सांगितले जात आहे. 

Viral Video Latest News: रेल्वे रुळावर डोक, गालाखाली हात अन् छत्रीची सावली... अशा अवस्थेत एक व्यक्ती ढाराढूर झोपलेला असल्याचा एक व्हिडीओ व्हायरल झाला. या व्यक्तीला इतकी गाढ झोप लागली की, एक्स्प्रेस गाडीचा हॉर्नही त्याला ऐकू आला नाही. एक्स्प्रेस गाडी वेळीच थांबली नसती, तर त्याला प्राण गमावावे लागले असते. पण, म्हणतात ना देव तारी त्याला कोण मारी, तसंच काहीसे इथे घडलं आहे. 

समोर आलेल्या माहितीनुसार उत्तर प्रदेशातील प्रयागराजवरून मऊआयमा मार्गे प्रतापगढला जाणाऱ्या मार्गावर हा प्रकार घडला. 21 ऑगस्ट रोजीची ही घटना आहे. प्रयागराज स्थानकावरून एक्स्प्रेस निघाली होती. मऊआयमा पार करून गाडी पुढे रेल्वे पुलावर पोहोचली. समोरचे दृश्य पाहून लोको पायलटला धक्काच बसला. 

छत्रीचा आसरा अन् ढाराढूर झोपला

एक मध्यवयीन व्यक्ती रेल्वे रुळावरच झोपलेला होता. ऊन आणि पावसापासून बचाव व्हावा म्हणून त्याने छत्रीही उघडून ठेवली होती. हा व्यक्ती इतका गाढ झोपलेला होता की, त्याला ना रेल्वेचा आवाज ऐकू आला, ना हॉर्नचा. या झोपलेल्या व्यक्तीला बघून लोको पायलटने प्रसंगावधान दाखवत एक्स्प्रेस थांबवली. 

लोको पायलट खाली उतरला. गाढ झोपेत असलेल्या व्यक्तीला त्याने जवळ जाऊन उठवले. तोपर्यंत काही लोकही तिथे जमा झाले होते. या सगळ्या घटनेचा काही मोबाईलमध्ये व्हिडीओ शूट केला आणि सोशल मीडियावर पोस्ट केला. 

प्रयागराज, यूपी में रेल पटरी पर एक व्यक्ति छतरी लगाकर सो रहा था। ये देखकर लोको पायलट ने ट्रेन रोक दी। फिर उसको जगाया, पटरी से हटाया। तब ट्रेन आगे बढ़ी।

Report : @AnujTyagi8171pic.twitter.com/F1XWSLJ55h

— Sachin Gupta (@SachinGuptaUP) August 25, 2024

लोकांच्या मजेशीर कमेंट्स 

या व्हिडीओवर अनेकांनी कमेंट्स केल्या आहेत. एका व्यक्तीने म्हटलं आहे की, 'यमराज या लोको पायलटला कधी मनापासून माफ करणार नाही.' दुसऱ्या एका व्यक्तीने म्हटले आहे की, 'रेल्वे रुळावर खूप चांगली झोप येते, कधीच झोपू नका.' आणखी एकाने म्हटलंय की, यमराज सुट्टीवर होते, नाहीतर हा आता अप्सरासोबत दिसला असता.'