डिलिव्हरी बॉयचं बिंग फुटलं! पार्सल पोहचवायला गेला अन्...; 'CCTV' फुटेजने केलं पितळ उघडं 

सोशल मीडियावर स्विगी इन्स्टामार्ट डिलिव्हरी बॉयचा एक व्हिडिओ समोर आलाय. ज्यामध्ये तो चक्क शूज चोरताना दिसतोय.

Social Viral : सोशल मीडियावर कायमच नेटकऱ्यांना नवनवीन कटेंट पाहायला मिळत असतो. करमणूक, शिक्षण तसेच वेगवेगळ्या प्रकारचे बौद्धिक खुराक पुरवणारे  व्हिडिओ किंवा रिल्स या माध्यमातून आपल्या समोर येतात. सध्या इंटरनेटर व्हायरल होणाारा एक व्हिडिओ चर्चेचा विषय ठरलाय. जो पाहून अनेकांचे डोळे उघडतील.

बदलत्या जीवनशैलीनूसार सध्या प्रत्येकाचा कल ऑनलाईन पेमेंटकडे वाढत चाललाय. अगदी बारीक-सारीक गोष्ट जरी असली तरी लोक ऑनलाईन ऑर्डर करण्यास पसंती देतात. अर्थातच हा पर्याय प्रत्येकाला सोयीस्कर असतो.  वाढत्या ऑनलाईन पेमेंट्समुळे सायबर क्राईमसारखे प्रकारही दिवसेंदिवस वाढतायत. ऑनलाईन खरेदी केल्याने काहींना त्याचा फटका बसला तर काहींना नको त्या प्रसंगाला तोंड द्यावं लागलं अशा अनेक घटना आपल्याला ज्ञात असतील. असाच एक व्हिडीओ नेटकऱ्यांच्या समोर आला आहे. ही संपूर्ण घटना एका सीसीटीव्हीत कैद करण्यात आली.ज्यामुळे डिलिव्हरी बॉयचं पितळ उघडं पडलं.

साधारण ९ एप्रिलच्या दिवशी गुरुग्रामच्या एका सोसायटीमध्ये हा प्रकार घडल्याची माहिती समोर येत आहे. फ्लॅटच्या दरवाजातून शूज गुल करणाऱ्या या माणासाची कामगिरी पाहून नेटकरी अवाक् झालेत. रोहित अरोरा नावाच्या एका एक्स यूजरने हा व्हिडिओ शेअर केलाय.

Swiggy's drop and PICK up service. A delivery boy just took my friend's shoes (@Nike) and they won't even share his contact. @Swiggy@SwiggyCares@SwiggyInstamartpic.twitter.com/NaGvrOiKcx

— Rohit Arora (@_arorarohit_) April 11, 2024

व्हायरल व्हिडिओनूसार, हा डिलिव्हरी बॉय ज्या ठिकाणी ऑर्डर पोहचवायची आहे त्या फ्लॅटच्या दरवाजापर्यंत जातो. तिथे गेल्यानंतर तो दरवाजाची बेल वाजवतो. जोपर्यंत दरवाजा उघडला जात नाही तोवर तो डिलिव्हरी आजुबाजूला कोण आहे का ते पाहतो. काही वेळानंतर फ्लॅटमध्ये असलेली महिला दरवाजा उघडते आणि आपली ऑर्डर घेते. त्यानंतर पार्सल दिल्यानंतर तो बिल्डिंगचा जिना उतरताना दिसतोय. अचानक आपल्या डोक्याला बांधलेला कपडा काढून तो पुन्हा माघारी फिरतो. ज्या ठिकाणी त्याने पार्सल पोहचवलं तिथे जाऊन तो आपल्या रुमालामध्ये फ्लॅटच्या समोर असलेले काळ्या रंगाचे शूज लपवतो. त्यानंतर तो तिथून पळ काढताना दिसतोय. हा सगळा प्रकार सीसीटीव्हीमध्ये कैद करण्यात आला आहे.