भोजपुरी अभिनेत्रीसोबत घडला 'असा' प्रकार, तिने रागात स्टेजच सोडले

भोजपुरी अभिनेत्री अक्षरा सिंह चे चाहते काही कमी नाहीत. तिने अभिनयाने प्रेक्षकांवर छाप पाडली आहे. याशिवाय अक्षराच्या आवाजेही लोक चाहते आहेत. मात्र अनेकदा चाहते मर्यादेबाहेर जातात. कलाकाराचा आदर ठेवत नाही. असेच काहीसे अक्षरा सोबत घडले आहे. एका लाईव्ह कॉन्सर्टमध्ये अक्षरासोबत असे काही घडले की ती स्टेज सोडून गेली.

नेमके काय घडले ?

अक्षरा सिंह भोजपुरी सिनेमातील उदयोन्मुख कलाकार आहे. अक्षरा जेव्हा स्टेजवर येते तेव्हा तिच्या पर्फॉर्मन्स ने आग लावते. चाहते तिच्या गाण्यावर नेहमी थिरकतात. नुकत्याच आयोजित केलेल्या एका लाईव्ह कॉन्सर्टमध्ये अक्षरा गात असतानाच एका व्यक्तीने तिच्यावर पैसे उधळले. हे बघुन अक्षरा वैतागली आणि रागातच स्टेजवरुन खाली उतरली. आपल्यासोबत झालेला हा प्रकार तिला अजिबात आवडला नाही. 

हा सगळा प्रकार बघुन प्रेक्षक निराश झाले. विशेष म्हणजे हे पहिल्यांदा नाही झाले. याआधीही अक्षरासोबत हा प्रकार घडला आहे. नोटाच काय दगड सुद्धा फेकले गेले आहेत. पैसे उडवायचा पा प्रकार मला अजिबात आवडत नसल्याचे अक्षराने एका मुलाखतीत सांगितले आहे.