बायकोचा 'एक ईमेल आणि पुन्हा तिच्याशीच केले लग्न', वाचा काय आहे एका लग्नाची पुढची गोष्ट

एकदा घटस्फोट घेतल्यावर पुन्हा त्याच व्यक्तीशी लग्न कोणी करेल का ? असं खरंच झालंय. ऑस्ट्रेलिया मधील एका दाम्पत्याने घटस्फोटानंतर पुन्हा लग्न केलंय. ही अनोखी प्रेमकहाणी सोशल मीडियावर व्हायरल झाली आहे. या दाम्पत्याचे २००४ मध्ये लग्न झाले होते. त्यानंतर ११ वर्षांनी २०१५ मध्ये त्यांनी घटस्फोट घेतला. मग असे काय झाले की त्यांनी २०१९ मध्ये परत एकमेकांशी लग्न केले तर ऐकून आश्चर्य वाटेल. ही खरी गोष्ट आहे डॅनियल कर्टिस आणि टिम कर्टिसची जे फक्त एका ईमेल मुळे पुन्हा एकमेकांसोबत आले आणि त्यांनी लग्न केले

काय आहे नेमके प्रकरण

डॅनियल आणि टिम ने २०१५ मध्ये घटस्फोट घेतल्यानंतर २ वर्ष एकमेकांसोबत काहीच संपर्क ठेवला नाही. २०१७ मध्ये डॅनियल ने टीम ला एक ईमेल पाठवला. मुलाचे पालनपोषण करण्यात तु खूप मदत केली असे म्हणत नवऱ्याचे कौतुक तिने त्या ईमेल मध्ये केले होते. यानंतर दोघांचेही आयुष्यच बदलले. दोघेही पुन्हा एकमेकांच्या प्रेमात पडले. २०१९ मध्ये त्यांनी परत एकदा लग्न केले.

डॅनियल ने सांगितले, '२००२ मध्ये मी ऑनलाईन डेटिंग साईटवर टिम ला भेटले. ९ एप्रिल २००३ मध्ये त्याने मला लग्नाची मागणी घातली. जानेवारी २००४ मध्ये आम्ही लग्न केले. १८ महिन्यांतर आम्ही मुलाला दत्तक घेतले.'

२०१२ मध्ये आलेल्या आर्थिक संकटाचा फटका या दोघांनाही पडला. यानंतर त्यांच्या नात्यात दुरावा आला आणि त्यांचा संपर्क तुटला. २०१५ मध्ये त्यांनी घटस्फोट घेतला. डॅनियल म्हणते, ' २०१७ मध्ये एका काऊंसिलर च्या सांगण्यावरुन माझ्या हे लक्षात आले की सुखी जीवन जगण्यासाठी टीम आणि स्वत:ला माफ करणे गरजेचे आहे. म्हणून मी टीम ला मेल पाठवला. माझा मेल बघून तोही आश्चर्यचकित झाला. त्याने रिप्लाय दिला आपण भेटून यावर चर्चा केली पाहिजे.'