आनंद महिंद्रांनी शेअर केला अनोखा व्हिडिओ; थेट नितीन गडकरींना विचारला 'हा' प्रश्न

Anand Mahindra: महिंद्रा ग्रुपचे प्रमुख आनंद महिंद्रा सोशल मीडियावर खूप अॅक्टिव्ह असतात.

Anand Mahindra Latest Tweet: महिंद्रा अँड महिंद्राचे प्रमुख आनंद महिंद्रासोशल मीडियावर खूप अॅक्टिव्ह असतात. ते नेहमी ट्विटरवर विविध व्हिडिओ शेअर करतात. त्यांची फॅन फॉलोइंगदेखील खूप असल्यामुळे, चाहते त्यांच्या पोस्टची वाट पाहत असतात. अता परत एकदा त्यांनी ट्विटरवर एक व्हिडिओ शेअर केला आहे. तसेच, त्यांनी कॅप्शनमध्ये केंद्रीय रस्ते वाहतूक आणि महामार्ग मंत्री नितीन गडकरींना टॅग करत एक प्रश्न विचारला आहे. 

आनंद महिंद्रा यांनी एका ट्विटमध्ये नेदरलँडमधील वेलुवेमेयर एक्वाडक्ट्स ब्रिजचा (Aqueducts Bridge) व्हिडिओ शेअर केला. त्यांनी या व्हिडिओसोबत कॅप्शनमध्ये लिहिले, "नितीन गडकरी जी, आपणही हे करू शकतो का?" दरम्यान, हा व्हिडीओ मूळतः "Engineering Insider" नावाच्या अकाऊंटने ट्विट केला होता. आनंद महिंद्रा यांनीदेखील हा शेअर केला. 

Wait…What?? Can we do this too, @nitin_gadkari ji? 😊 pic.twitter.com/SNjRry5rup

— anand mahindra (@anandmahindra) June 12, 2023

आनंद महिंद्रा यांच्या या ट्विटने अनेक नेटिझन्सचे लक्ष वेधून घेतले आहे. अनेकांनी गमतीशीर प्रतिक्रिया दिल्या आहेत, तर काहींनी देशातील सध्याच्या पायाभूत सुविधांच्या समस्यांवर चिंता व्यक्त केली आहे. भारतात अशा पुलांची गरज काय, असा सवालही काही लोकांनी केला आहे. याला प्रतिसाद देताना अनेक वेगवेगळी मते समोर आली आहेत. पण, बहुतेकांनी पुलाच्या अनोख्या रचनेचे कौतुक केले.