बापरे! खरेदी केलं ९ कोटींचं घर, ५ वर्षानंतर समोर आलं धक्कादायक सत्य; झालं होत्याच नव्हतं

तुम्ही एखादे महागडे घर खरेदी केले असेल आणि त्यात पाच वर्षांपासून राहत असाल, पण अचानक तुम्हाला नोटीस आली की ते तुमचे घर नाही, तर तुम्ही काय कराल?

आपल्या जीवनातील सर्वाग महत्वाची गोष्टी असते ती स्वत:च्या घराची. प्रत्येकाला आपलं स्वत:च घर असावं असं वाटतं असतं. अनेकजण आयुष्यभराची कमावलेले पैसे घरासाठी खर्च करत असतात. पण, समजा कष्टाने घेतलेले घरच तुमच्या नावावर नसेल तर काय होईल? अशीच एक घटना सध्या समोर आली आहे. कोट्यवधी रुपये खर्चून आलिशान घर घेतलेल्या ऑस्ट्रेलियन जोडप्याला पाच वर्षांनंतर अचानक बेघर करण्यात आले. खरेतर, ते कधीही कायदेशीर मालक नसल्याचा निर्णय न्यायाधीशांनी दिल्यानंतर त्यांना ते रिकामे करण्यास सांगण्यात आले. हे ऐकून दाम्पत्याचे भान हरपले. नवरा-बायको दोघेही डोके धरून बसले.

Optical Illusion: तुमचे डोळे तीक्ष्ण आहे असं वाटत असेल तर 8 नंबरांमध्ये लपलेला 3 नंबर शोधा, ठराल जीनिअस!

जॅकी मूरक्रॉफ्ट यांनी मार्च २०१८ मध्ये लिलावात मर्मेड बीचच्या शेजारील गोल्ड कोस्ट घरासाठी ९ कोटी रुपयांहून अधिक पैसे दिले. समुद्रकिना-याच्या जवळ असल्यामुळे आणि चालण्याच्या क्षमतेमुळे, घराची किंमत वाढली आणि आता त्याची किंमत २२ कोटींहून अधिक आहे. आता या इमारतीची किंमत ९ कोटींवरून २२ कोटींवर गेल्याने दाम्पत्याला आनंद होत होता. 

पण पाच वर्षांनंतर, क्वीन्सलँड सुप्रीम कोर्टाला असे आढळून आले की, या जोडप्याने मर्मेड बीच हवेलीसाठी भरीव रक्कम देऊनही ती हक्काने मालकीची नाही. न्यायालयाने म्हटले की, हे जोडपे या घराचे खरे मालक नाहीत. उलट जुना मालक हा घराचा हक्काचा मालक असतो. जुन्या मालकाने हे घर फसवणूक करून गुन्हेगारांनी गहाण ठेवले असून त्याची सही खोटी असल्याचे सांगितले. रजिस्ट्रार ऑफ टायटल्सने देखील कोर्टाच्या कागदपत्रांनुसार कबूल केले की संपत्ती या जोडप्याच्या नावावर कधीही हस्तांतरित केलेली नाही.

असे आलिशान घर अजूनही त्या जोडप्याच्या मनातून सुटत नव्हते. घराचा ताबा मिळवण्यासाठी पती-पत्नी दोघेही कायदेशीर लढाई लढत आहेत. या वर्षाच्या सुरुवातीला न्यायालयाने म्हटले होते की वृद्ध महिला ही घराची खरी मालकीण आहे. या निर्णयामुळे दाम्पत्याला दु:ख झाले आहे, पण कोर्टाने क्वीन्सलँड सरकारला या जोडप्याला २२ कोटी रुपये नुकसानभरपाई देण्याचे निर्देश दिले आहेत.