'या' ८ महिन्यांच्या मुलीचा फोटो सोशल मीडियात व्हायरल, कारण फोटोतच दडलंय....

सोशल मीडियात या ८ महिन्यांच्या मुलीचा फोटो व्हायरल झाला आहे. त्याच्या केसांची चर्चा सगळीकडे रंगली आहे.

डोक्यावरील केस लोकांसाठी किती प्रिय असतात हे तुम्हाला वेगळं सांगण्याची गरज नाही. केसांमुळे सौंदर्य अधिक खुलतं. केस नसतील तर लोक काय बोलतात किंवा कोणत्या नावाने हाक मारतात हे तुम्हाला चांगलंच माहीत आहे. आता तुम्हा म्हणाल केसांचा विषय मधेच कशाला? तर झालं असं की, सोशल मीडियात या ८ महिन्यांच्या मुलीचा फोटो व्हायरल झाला आहे. त्याच्या केसांची चर्चा सगळीकडे रंगली आहे. अनेकांना असं वाटत आहे की, या मुलीला केस लावलेत, पण ते तिचे खरे केस आहेत.

या गोड मुलीचं नाव Marissa असं आहे. तिचं वय केवळ ८ महिने आहे. Alessandra McCurry असं तिच्या आईचं नाव आहे. तिच्या आईने सांगितले की, लोकांनी आधी तिचे डोळे आवडतात, पण जसेही लोकांची नजर तिच्या केसांवर जाते तेव्हा ते थक्क होतात.

Alessandra सांगते की, लोकांना यावर विश्वासच बसत नाही की, हे मेरिसाचे खरे केस आहेत. त्यांना वाटतं हे खोटे केस लावले आहेत.

मेरिसाचे केस आजपर्यंत कधीच कापलेले नाहीत. तिची आई सांगते की, तिचे केस एखाद्या मोठ्या मुलीसारखे दिसतात. ती जिथे मेरिसाला घेऊन जाते लोक मेरिसाचे केस बघून हैराण होतात. ते सांगतात की, मेरिसाने मॉडल व्हायला हवं.