बॉसला चकवून खेळत होता गेम, बॉसने 'ही' ट्रीक वापरुन केला त्याचाच गेम...

बऱ्याचदा जेव्हा काहीजण ऑफिसमध्ये कामाच्या वेळात टाईमपास करण्यासाठी एखादे गाणं ऐकतात किंवा गेम खेळतात. आपल्याकडे कुणीही बघत नाही, असं समजून त्यांचा हा टाईमपास सुरु असतो. पण दरवेळी असंच घडतं असं नाही, कारण, बॉसची नजर सर्वांकडे असते. असाच एक व्हिडीओ आता सोशल मीडियावर व्हायरल झाला आहे, तो पाहिल्यानंतर तुम्हालाही तुमच्या बॉसची किंवा अशाच एखाद्या किश्श्याची आठवण येईल.

व्हायरल होत असलेल्या व्हिडिओमध्ये, आपण पाहू शकता की कर्मचारी त्याच्या ऑफिसच्या वेळेत कॉम्युटरवर गेम खेळत आहे, जेव्हा त्याचा बॉस तिथून जात असतो, तेव्हा तो लगेच गेम बंद करतो आणि काम सुरु करतो. त्याला वाटतं बॉसला उल्लू बनवलं, बॉस पुढं निघून जातो. कर्मचाऱ्याला वाटतं, बॉस पुढं निघून गेला. पण यात बॉस भलताच शहाणा निघतो, बॉस पुढे जाऊन खिशातून आपला मोबाईल काढतो, आणि सेल्फी कॅमरा ऑन करतो. जसा बॉस सेल्फी कॅमेरा ऑन करतो, त्यात हा कर्मचारी गेम खेळत असल्याचं स्पष्ट दिसतं आणि हा कर्मचारी रंगेहात पकडला जातो.

हा मजेदार व्हिडिओ लोकांना सोशल मीडियावर खूप आवडत आहे. याव कमेंट करताना एका युजरने म्हटले, ‘बॉस डाल-डाल तर एम्प्लॉयी पात पात.’ तर दुसऱ्या युजरेने लिहिले, ‘बॉस इथून निघून गेला पण निश्चितच त्याचा बदला पुढं तो घेणार आहे. या व्यतिरिक्त, इतर अनेक युजर्सनी अनेक भन्नाट कमेंट्स केल्या आहेत.