डान्सदरम्यान स्टंट करणं चांगलंच पडलं महागात, लोक म्हणाले - मूर्खपणाचा कळस...

Viral Video : एका तरूणाचा डान्स करतानाचा एक व्हिडीओ व्हायरल झाला आहे. ज्यात स्टंट करण्याचा प्रयत्न करणं त्याला कसं महागात पडलं हे दिसत आहे. 

Viral Video : सोशल मीडियावर नेहमीच वेगवेगळ्या प्रकारचे व्हिडीओ व्हायरल होत असतात. हे व्हिडीओ कधी हसवणारे तर कधी हैराण करणारे असतात. लोक सोशल मीडियावर फेमस होण्यासाठी वाट्टेल ते करतात. कधी कधी तर फेमस होण्याच्या नाद त्यांना महागतही पडतो. असाच एक व्हिडीओ सध्या सोशल मीडियावर व्हायरल झाला आहे. एका तरूणाचा डान्स करतानाचा एक व्हिडीओ व्हायरल झाला आहे. ज्यात स्टंट करण्याचा प्रयत्न करणं त्याला कसं महागात पडलं हे दिसत आहे. 

थोडक्यात बचावला...

व्हिडिओत तुम्ही बघू शकता की, एक तरूण एका पडक्या भिंतीवर डान्स करत आहे. डान्स करता करता तो स्टंट करण्याचा देखील प्रयत्न करतोय. पण त्याचा हा प्रयत्न फसतो. त्याचा बॅलन्स बिघडतो आणि खाली पडणार इतक्यात स्वत:ला वाचवण्यासाठी बाजूच्या भिंतीचा एक भाग पकडण्याचा प्रयत्न करतो. पण त्याच भिंतीचा तुकडा पडतो आणि त्यासोबतच तरूणही खाली पडतो. 

स्टंट करण्याच्या नादात पडलेल्या तरूणाचा हा व्हिडीओ सोशल मीडियावर तूफान व्हायरल झाला आहे. या व्हिडिओला आतापर्यंत ६ कोटी ३८ लाखांपेक्षा जास्त व्ह्यूज मिळाले आहेत. साधरण ८ लाखांपेक्षा जास्त लोकांनी व्हिडीओ लाइक केला आणि २.५ लाख यूजर्सनी व्हिडीओ शेअर केला आहे. लोक यावर वेगवेगळ्या प्रतिक्रियाही देत आहेत. ज्यात जास्तीत जास्त लोकांनी म्हटलं की, फेमस होण्यासाठी असे स्टंट करणं बंद केलं पाहिजे.