Video - रागावलेल्या गर्लफ्रेंडला मनवण्यासाठी बॉयफ्रेंड घरी गेला पण 'त्याला' पाहून ढसाढसा रडला

प्रेयसीचे मन वळवण्यासाठी आलेल्या प्रियकराची नंतर अशी काही अवस्था झाली. ज्यामुळे तो ढसाढसा रडायलाच लागला.

ब्रेकअप किंवा भांडणानंतर रागावलेल्या बॉयफ्रेंड किंवा गर्लफ्रेंडला मनवण्यासाठी अनेकजण काहीही करायला तयार असतात. जर तुम्ही तुमच्या जोडीदारावर खरोखर प्रेम करत असाल, तर तुम्ही नक्कीच त्या व्यक्तीला तुमच्या आयुष्यात परत आणण्यासाठी कोणतीही कसर सोडत नाही. पण याच दरम्यान असाच एक व्हिडीओ समोर आला आहे. जो पाहून तुम्हालाही धक्का बसेल आणि भावूकही व्हाल. 

प्रेयसीचे मन वळवण्यासाठी आलेल्या प्रियकराची नंतर अशी काही अवस्था झाली. ज्यामुळे तो ढसाढसा रडायलाच लागला. व्हिडिओमध्ये एक मुलगा गर्लफ्रेंडच्या घराच्या गेटबाहेर उभा राहून मित्रांसोबत गाणे गाताना दिसत आहे. दरम्यान गेटच्या आत एक मुलगी उभी असल्याचे दिसते. गाणाऱ्या मुलाच्या हावभावावरून असे दिसते की तो तिच्याशी पॅचअप करण्याचा प्रयत्न करत आहे. 

Emotional damage. pic.twitter.com/dnfm92zoCI

— Figen (@TheFigen_) May 15, 2023

मुलगा समजूत काढत आहे पण मुलीला काहीच फरक पडत नाही. थोड्या वेळाने दुसरी व्यक्ती तिच्या घरातून बाहेर येते. अनोळखी माणसाला पाहून तो थांबतो आणि त्याचे गाणे पुन्हा गाण्याचा प्रयत्न करतो. तथापि, तो गाणे सुरू ठेवत असताना, तो माणूस मुलीकडे जातो आणि तिला मागून मिठी मारतो. आपल्या मैत्रिणीला दुसऱ्या पुरुषासोबत पाहून तो मुलगा ढसाढसा रडायला लागतो. या घटनेने मुलाचे ह्रदय तुटले. हा व्हिडिओ जुना दिसत असून सोशल मीडियावर पुन्हा व्हायरल झाला आहे. 

द फिगेनने ट्विटरवर शेअर केलेला हा व्हिडीओ मोठ्या प्रमाणात पाहिला गेला आणि नेटिझन्सनी त्यावर भरपूर प्रतिक्रिया दिल्या. एका युजरने लिहिले की, "अरे. कुणाचे हृदय तुटले आहे. तो तिथे का गेला?" दुसर्‍याने लिहिले, "हे खरोखर वेदनादायक आहे." तिसऱ्या युजरने लिहिले, "तुम्ही तिच्यावर प्रेम करणाऱ्या मुलीला कधीही सांगू नका. फक्त ते दाखवा. पुरुषांचे हृदय किती नाजूक असते हे त्यांना माहीत नाही." एका हिंदी वेबसाईटने याबाबतचे वृत्त दिले आहे.