वरमाला घालयला गेली नवरी अन् नवरदेवानं काढली खोड, नवरीने एकच केला एकच इशारा अन्...

एकमेकांच्या गळात वरमाला टाकताना नव्या जोडीमध्ये चांगलीच जुगलबंदी रंगली आहे. व्हायरल होत असलेल्या व्हिडीओमध्ये नवरदेवाने नवरीची चांगलीच खोड काढली आहे.

लग्नात नवरी आणि नवरदेव यांनी केलेली धम्माल तर पाहण्यासारखी असते. वरमाला घालताना तर काहीवेळा नवरीला उचलूनही घेतले जाते. मग नवरदेवाची जी काही तारांबळ उडते ती बघण्यासारखी असते. सध्या असाच एक मजेदार व्हिडीओ व्हायरल होत आहे. मात्र इथे नवरीला ना उचलून घेतले ना नवरदेवाची तारांबळ उडाली. इथे तर एकमेकांच्या गळात वरमाला टाकताना नव्या जोडीमध्ये चांगलीच जुगलबंदी रंगली आहे.

View this post on Instagram

A post shared by Niranjan Mahapatra (@official_niranjanm87)

व्हायरल होत असलेल्या व्हिडीओमध्ये नवरदेवाने नवरीची चांगलीच खोड काढली आहे. व्हिडीओमध्ये नवरी आणि नवरदेव एकमेकांच्या गळ्यात वरमाला टाकण्यासाठी उभे राहिले आहेत. नवरीने नवरदेवाच्या गळ्यात वरमाला टाकण्यासाठी आपले हात वर केले आहेत. पण त्याच वेळी नवरदेवाने गंमतच केली. त्यानेही आपले वरमाला धरलेले हात वर करत नवरीला त्याच्या गळ्यात वरमाला टाकण्यापासून अडवले आहे. नवरदेव माझी खोड काढतोय असे समजल्यावर नवरीने त्याला एक इशारा केलाय. तू हात खाली कर. आधी मी वरमाला टाकणार. नंतर तू माझ्या गळ्यात वरमाला टाक, असं ती नवरदेवाला इशाऱ्याने सांगतेय. 

मात्र, एवढं सारं करुनही नवरदेव नवरीचे ऐकत नाहीये. नवरी गळ्यात वरमाला टाकताना नवरदेव पुन्हा पुन्हा आपले वरमाला धरलेले हात वर करत आहे. हा सर्व प्रकार कॅमेऱ्यात कैद करण्यात आलाय. लोक हा व्हिडीओ पाहून वेगवेगळ्या प्रतिक्रिया व्यक्त करत आहेत. हा व्हिडीओ नेमका कुठला आहे, याची माहिती मिळू शकलेली नाही. मात्र, त्याला इन्स्टाग्रामवर Official Niranjanm87 अकाऊंटवर शेअर करण्यात आले आहे.