कामासाठी काय पण! लग्न मंडपातच नवरीने घेतला लॅपटॉप अन्...; Video तुफान व्हायरल

By ऑनलाइन लोकमत | Published: July 7, 2020 10:43 AM2020-07-07T10:43:46+5:302020-07-07T10:43:56+5:30

सोशल मीडियावर सातत्याने नवनवीन ट्रेंड येत असतात. विविध गोष्टी या व्हायरल होत असतात. असाच एक व्हिडीओ सध्या जोरदार व्हायरल होत आहे.

bride captured working on laptop wedding day viral video | कामासाठी काय पण! लग्न मंडपातच नवरीने घेतला लॅपटॉप अन्...; Video तुफान व्हायरल — कामासाठी काय पण! लग्न मंडपातच नवरीने घेतला लॅपटॉप अन्...; Video तुफान व्हायरल

नवी दिल्ली - सोशल मीडियाचा वापर हा सध्या मोठ्या प्रमाणात केला जात आहे. सोशल मीडियावर सातत्याने नवनवीन ट्रेंड येत असतात. विविध गोष्टी या व्हायरल होत असतात. असाच एक व्हिडीओ सध्या जोरदार व्हायरल होत आहे. देशात लॉकडाऊन सुरू आहे. कोरोनाच्या संकटात अनेकांनी आपलं लग्न पुढे ढकलण्याचा विचार केला आहे. तर काही ठिकाणी कमी लोकांच्या उपस्थितीत विवाहसोहळा संपन्न होत आहे. अशाच एका लग्नाची सध्या सोशल मीडियावर चर्चा रंगली आहे.

एका लग्नसोहळ्याचा एक व्हिडीओ सोशल मीडियावर तुफान व्हायरल होत आहे. यामध्ये लग्नात चक्क नवरी लॅपटॉप घेऊन काम करताना दिसत आहे. खरंतर लग्न ही प्रत्येकाच्या आयुष्यातील एक महत्त्वाची गोष्ट असते त्यामुळे सर्वच जण तो दिवस आनंदाने साजरा करतात. मात्र व्हिडीओत नवरी कामात मग्न असलेली पाहायला मिळत आहे. ट्विटरवर एका युजरने हा व्हिडीओ शेअर केला असून तो अल्पावधीतच अत्यंत लोकप्रिय झाला आहे. या व्हिडीओवर लोकांनी मजेशीर कमेंटही केल्या आहेत.

If you think you are under work pressure then watch this... via WA @hvgoenka pic.twitter.com/odbFTxNofh
— Dinesh Joshi. (@dineshjoshi70) July 3, 2020

कोरोनाचा संसर्ग टाळण्यासाठी अनेकांना कंपन्यांनी घरून काम करण्याची परवानगी दिली आहे. अशातच घरून जास्तीचे काम करावे लागत असल्याची काहींची तक्रार आहे. याच दरम्यान लग्नाचा हा व्हिडीओ देखील व्हायरल होत आहे. 'तुम्हाला जर तुमचं काम खूप वाटत असेल तर हा व्हिडीओ पाहा' असं म्हणत हा व्हिडीओ शेअर करण्यात आला आहे. लग्न मंडपातच नवरी लॅपटॉप आणि फोनवर काम करत आहे. तर थोड्यावेळाने नवरदेव तिच्या बाजूला येऊन बसल्याचं व्हिडीओमध्ये दिसत आहे.

थंडगार आईस्क्रिम तोंडात जाताच मनीमाऊने केलं असं काही की पाहून आवरणार नाही हसूhttps://t.co/ZMR0YDEQ60 #SocialMedia #Cat #VideoViral
— Lokmat (@MiLOKMAT) June 16, 2020

नवरीचा लग्नात अशापद्धतीने लॅपटॉपवर काम करण्याचा व्हिडीओ नेमका कधीचा आणि कुठला आहे याबाबत कोणतीही माहिती मिळालेली नाही. मात्र सध्या हा सोशल मीडियावर प्रचंड व्हायरल होत आहे. युजर्सनीही यावर मजेशीर कमेंट केल्या आहेत. एका हिंदी वेबसाईटने याबाबतचे वृत्त दिले आहे. सोशल मीडियावर असे अनेक व्हिडीओ हे सातत्याने व्हायरल होत असतात. काही दिवसांपूर्वी एक थरकाप उडवणारा व्हिडीओ व्हायरल झाला होता. यामध्ये एक तरुण डोंगराच्या अगदी टोकाशी उभा राहून बॅक फ्लिप मारताना दिसला.