Video - "कोणी रडत का नाही?"; पाठवणीच्या वेळी वधूने विचारला प्रश्न; कुटुंबीयांनी दिलं भन्नाट उत्तर

Wedding Video : नवरीच्या पाठवणीचा असाच एक व्हिडीओ जोरदार व्हायरल होत आहे, जो पाहून तुम्हीही पोटधरून हसाल.

नवी दिल्ली - लाडक्या लेकीची पाठवणी करताना सर्वांचेच डोळे पाणवतात. लग्नानंतर जेव्हा मुलीला निरोप देण्याची वेळ येते तेव्हा वधूचे कुटुंबीय आणि नातेवाईक खूप भावूक होतात. मुलीला सासरी जाताना पाहून सर्वच रडायला लागतात. तो अत्यंत भावनिक क्षण असतो. फार कमी वेळा काही जण रडत नाहीत. सोशल मीडियावर लग्न समारंभातील असे अनेक व्हिडीओ हे व्हायरल होत असतात. नवरीच्या पाठवणीचा असाच एक व्हिडीओ जोरदार व्हायरल होत आहे, जो पाहून तुम्हीही पोटधरून हसाल.

पाठवणीच्या वेळी वधूच्या घरातील कोणीही रडत नाही, तेव्हा ती निरागसपणे एक प्रश्न विचारते, जो ऐकून तुमच्या चेहऱ्यावरही हसू येईल. नवरीच्या प्रश्नावर तिथे उपस्थित लोकही भन्नाट मजेशीर उत्तर देतात. हा व्हिडिओ पाकिस्तानचा असल्याचं सांगण्यात येत आहे. व्हायरल होत असलेल्या व्हिडिओमध्ये लग्नानंतर नववधू पाठवणीच्या वेळी गाडीमध्ये बसली आहे. कारच्या आजूबाजूला तिचे कुटुंबीय आणि मित्रमंडळी उपस्थित आहेत. यादरम्यान, वधू कुटुंबातील सदस्यांना अतिशय गोंडसपणे विचारते की तुमच्यापैकी कोणीही का रडत नाही?

View this post on Instagram

A post shared by WEDDING PHOTOGRAPHER ISLAMABAD (@wedding_visual)

उभ्या असलेल्या महिला हसतात आणि उत्तर देतात की आम्ही का रडायचं. आमचा मेकअप खराब होईल. वधूचा हा मजेशीर व्हिडीओ सध्या इंटरनेटवर धुमाकूळ घालत आहे. वधूचा हा व्हिडिओ इन्स्टाग्राम या सोशल मीडिया प्लॅटफॉर्मवर wedding_visual नावाच्या पेजवरुन शेअर करण्यात आला आहे. युजरने कॅप्शनमध्ये लिहिलं, 'पाठवणीच्या वेळी नवरी नातेवाईकांना विचारते - तुमच्यापैकी कोणीही का रडत नाही?'. 10 मार्च रोजी अपलोड झालेला हा व्हिडिओ सध्या सोशल मीडियावर चांगलाच व्हायरल होत आहे. आतापर्यंत लाखो लोकांनी हा व्हिडिओ लाईक केला आहे. एका हिंदी वेबसाईटने याबाबतचे वृत्त दिले आहे.