करून दाखवलं! शाळेतल्या बॅकबेंचरनं पटवली टॉपर; लग्न मंडपात तिला पाहून आनंद गगनात मावेना

बॅकबेंचर अन् टॉपरची प्रेम कहाणी सुफळ संपूर्ण; १० वर्षांचा प्रवास दाखवणारा १० सेकंदांचा व्हिडीओ व्हायरल

शाळेत विद्यार्थ्यांचे तसे दोन प्रकार असतात. टॉपर आणि बॅकबेंचर. टॉपर बॅकबेंचर्सकडे पाहून नाकं मुरडतात. तर बॅकबेंचर्स टॉपर्सना पुस्तकी किडे म्हणून हिणवतात. एखाद्या बॅकबेंचरला टॉपर मुलगी आवडली, तर ती सहजासहजी भाव देत नाही. कारण बॅकबेंचर्सबद्दल लोकांच्या मनात एक साचेबद्ध प्रतिमा निर्माण झालेली असते. यांचं पुढे काय होणार, आयुष्यात पुढे यांना काय जमणार, असे प्रश्न त्यांच्याकडे पाहून टॉपर्सना पडतात. त्यामुळेच टॉपर आणि बॅकबेंचर्सचं सूत जुळेल आणि त्यांची कहाणी विवाहापर्यंत पोहोचेल, ही शक्यताच तशी कमी असते. मात्र एका बॅकबेंचरनं ही किमया साधली आहे. त्यांच्या प्रेमकहाणीचा १० सेकंदांचा व्हिडीओ सोशल मीडियावर चर्चेचा विषय ठरत आहे.

बॅकबेंचर टॉपरच्या प्रेमात पडल्यावर बऱ्याचदा बॅकबेंचरच्या पदरी निराशाच येते. मात्र टॉपरसोबत लगीनगाठ बांधण्याचं एका बॅकबेंचरचं स्वप्न साकार झालं आहे. त्यानं व्हिडीओ शेअर करत त्याची प्रेमकहाणी थोडक्यात सांगितली आहे. त्यात शाळेच्या गणवेशातील एअर एंडर फोटो आहे. मुलगा मागच्या रांगेत बसला आहे, तर टॉपर मुलगी सर्वात पुढे असलेल्या रांगेत बसली आहे. शाळेत बॅकबेंचर असलेल्या मुलानं तरुणपणी मुलीसोबत ओळख वाढवली. दोघांनी एकमेकांना डेट करण्यास सुरुवात केली. रेस्टॉरंटमध्ये भेटीगाठी होऊ लागल्या. शेवटी ही प्रेमकहाणी सुफळ संपूर्ण होत लग्न मंडपापर्यंत पोहोचली.

View this post on Instagram

A post shared by Chhavi & Satya (@chatieandsatie)

लग्नात एकमेकांना हार घालण्यासाठी वधू वर समोरासमोर आले. त्यावेळी वराचा आनंद गगनात मावत नव्हता. स्वप्नपूर्तीचा आनंद त्याच्या चेहऱ्यावरून अगदी ओसंडून वाहत होता. त्याला हसताना पाहून वधूदेखील गोड हसत होती. अवघ्या काही सेकंदांच्या व्हिडीओतून दोघांनी त्यांची प्रेमकहाणी शेअर केली आहे. सोशल मीडियावर व्हिडीओला अनेकांनी पसंती दिली आहे. इन्स्टाग्रामवर छवी आणि सत्या नावाच्या अकाऊंटवरून व्हिडीओ शेअर करण्यात आला आहे.