Video - लग्नातल्या खेळात नवरी जिंकताच संतापला नवरदेव; मारली थप्पड, नातेवाईक झाले हैराण

वधूने वरासोबत खेळलेला गेम जिंकला. पण नवरदेवाला पराभवाचा राग आला

आजकाल लग्नांमध्ये किरकोळ भांडणे होतात, पण लग्नाच्या मंचावर पाहुण्यांसमोर नवरदेवाला आपल्या नववधूला मारताना तुम्ही कधी पाहिले आहे का? अशाच एका घटनेचा व्हिडीओ सध्या सोशल मीडियावर व्हायरल होत आहे. हा व्हिडिओ जुना असला तरी त्याने पुन्हा एकदा नेटिझन्सचे लक्ष वेधून घेतले आहे. ही क्लिप उझबेकिस्तानमधील आहे आणि ही घटना 2022 मध्ये घडली होती. 

सोशल मीडियावर व्हायरल होत असलेल्या व्हिडीओ क्लिपमध्ये वधू आणि वर स्टेजवर आहेत. वधूने वरासोबत खेळलेला गेम जिंकला. पण नवरदेवाला पराभवाचा राग आला आणि त्याने धक्कादायक कृत्य केलं. तो रागाच्या भरात नवरीला थप्पड मारताना दिसत आहे. या घटनेनंतर नववधूच नाही तर तिच्यासोबत उभे असलेले तिचे नातेवाईकही हैराण झाले. नवरी स्टेजवरून खाली उतरू लागली. 

In Uzbekistan, groom hit the bride right at the wedding in front if guests, relatives, families from both sides. Noone stopped him, noone to defend her.
Footage shows the couple participated in game, after which he hit her.
We need an @WomanTreaty urgently pic.twitter.com/rgjtc4qM2W

— Leila Nazgul Seiitbek💙💛🇰🇬🌻 (@l_seiitbek) June 12, 2022

नवरदेव पाहुण्यांकडे बघत राहतो. वराच्या बरोबर उभ्या असलेल्या माणसालाही धक्का बसला. वराच्या अशा कृत्याबद्दल नेटिझन्सनी संताप व्यक्त केला. एका युजरने लिहिले की, "मीही हे रानटी कृत्य कसे पाहू शकतो. या घटनेविरोधात कोणीतरी आवाज उठवायला हवा होता." दुसर्‍याने लिहिले, "कोणाशीही अशी वागणूक देऊ नये, विशेषत: इतरांसमोर, मग तो पुरुष असो किंवा स्त्री." तिसऱ्या युजरने "वराची एवढी हिंमत कशी झाली?" असं म्हटलं आहे. एका हिंदी वेबसाईटने याबाबतचे वृत्त दिले आहे. 

 सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"