CA बॉयफ्रेंडसोबत ब्रेकअप झाल्यावर घडलं असं काही, तरूणीची उडाली झोप...

इन्स्टाग्रामवर व्हायरल झालेली पोस्ट वाचून ब्रेकअपनंतर राग काढण्याची ही पद्धत तुम्हाला नक्कीच हैराण करणारी ठरेल.

सोशल मीडियावर नेहमीच वेगवेगळ्या गोष्टी व्हायरल होत असतात. यात काही हैराण करणाऱ्या तर काही मजेदार गोष्टी असतात. सध्या सोशल मीडियावर एक ब्रेकअप पोस्ट व्हायरल झाली आहे. जी वाचून लोक थक्क झाले आहेत. जगात असेही लोक असतात? असा लोकांना प्रश्न पडत आहे. सामान्यपणे ब्रेकअप झाल्यावर लोक एकमेकांवर राग काढतात. दुसऱ्यांकडे एक्सबद्दल वाईट बोलतात किंवा सोशल मीडियावर पोस्ट शेअर करून त्यांना सुनावतात. पण ही पोस्ट फारच वेगळी आहे. ही पोस्ट बघून तुमचंही डोकं चक्रावून जाईल. 

इन्स्टाग्रामवर व्हायरल झालेली पोस्ट वाचून ब्रेकअपनंतर राग काढण्याची ही पद्धत तुम्हाला नक्कीच हैराण करणारी ठरेल. झालं असं की, एका सीए असलेल्या बॉयफ्रेंडने ब्रेकअपनंतर त्याने खर्च केलेल्या पैशांची एक लिस्टच एक्स गर्लफ्रेंडला पाठवली आहे. पोस्टमध्ये एका फोटोत तुम्हाला दिसेल की, सीए बॉयफ्रेंडने सात महिन्यांच्या रिलेशनशिपमध्ये दर महिन्याच्या खर्चाची लिस्टच तयार केली आहे. ज्यात कॅब, सिनेमा आणि कॉफीसारख्या गोष्टींचा समावेश आहे. त्याहून हैराण करणारी बाब म्हणजे बॉयफ्रेंडने या सगळ्या खर्चावर १८ टक्के जीएसटी सुद्धा लावला आहे.

तर गर्लफ्रेंडच्या पोस्टच्या फोटोत लिहिलं आहे की, 'सीएमधील सी चा अर्थ चिंधी चोरी आहे. माझ्या रूममेटने एकदा आदित्य नावाच्या एका सीएला डेट केलं होतं. जेव्हा त्यांचं ब्रेकअप झालं तेव्हा त्याने सगळ्या खर्चासोबत एक एक्सल शीटही पाठवली. ज्यात १८ टक्के जीएसटी लावला होता. त्याने सगळा हिशेब ठेवला होता'. 

पोस्टमध्ये तुम्ही बघू शकता की, गर्लफ्रेंडवर झालेल्या एकूण खर्चाचं बिल ६०६३५.४८ रुपये दाखवण्यात आलं आहे. यासोबतच पैसे कॅशमध्ये देण्याचं सांगण्यात आलं आहे. तो असंही म्हणाला की, ती इएमआय स्वरूपातही पैसे देऊ शकते. पण दर महिन्याला त्यावर ४ टक्के व्याज द्यावं लागेल. ही पोस्ट आतापर्यंत ११ लाख वेळा बघण्यात आली आहे. तर लोक यावर अनेक मजेदार कमेंट्सही करत आहेत.