Video: वयाच्या 12 व्या वर्षी बनवली अशी बॉडी; वर्कआउट व्हिडिओ पाहून तुम्हीही थक्क व्हाल...
By ऑनलाइन लोकमत | Published: April 9, 2023 03:18 PM2023-04-09T15:18:49+5:302023-04-09T15:19:58+5:30
या मुलाला त्याच्या शहरातील लोक मिनी हल्क नावाने ओळखतात.
Video: वयाच्या 12 व्या वर्षी बनवली अशी बॉडी; वर्कआउट व्हिडिओ पाहून तुम्हीही थक्क व्हाल...
Next Mini Hulk Viral Video: चांगल्या आरोग्यासाठी अनेकजण पहाटे उठून देसी व्यायाम किंवा जिममध्ये जातात. डॉक्टर आणि आरोग्य तज्ञ नेहमी सांगतात की, निरोगी शरीरासाठी दररोज व्यायाम करणे अत्यंत महत्वाचे आहे. यामुळे आपले शरीर पिळदार आणि आजारांपासून दूर राहते. अनेकण म्हणतात की, जिमला जाण्याचे एक वय आहे. लहानपणी जिममध्ये जाऊ नये, पण एका 12 वर्षीय मुलाने जिमला जाऊन अतिशय पिळदार शरीर बनवलं आहे.
या मुलाचा फिटनेस व्हिडिओ सध्या सोशल मीडियावर चांगलाच व्हायरल होत आहे. या व्हिडिओने सर्वांचे लक्ष वेधून घेत आहे. त्या मुलाचा फिटनेस, त्याचा व्यायाम आणि वेटलिफ्टिंग पाहता मोठ-मोठे लोकही त्याच्यासमोर फिके दिसत आहेत. सोशल मीडियावर व्हायरल झालेल्या मुलाचे नाव कौजिन्हो नेटो असून, तो ब्राझीलचा आहे. त्याची जबरदस्त बॉडी आणि सिक्स पॅक अॅब्स पाहून अनेकजण चकीत झाले आहेत.
अवघ्या 12 वर्षांचा कौजिन्हो नेटोने सोशल मीडियावर खळबळ उडवली आहे. इन्स्टाग्रामवर कजिन्हो नेटोच्या अकाऊंटला 2 लाख 67 हजारांहून अधिक फॉलोअर्स आहेत. या अकाऊंटवर शेअर केलेल्या कजिन्हो नेटोच्या शारीरिक कसरतीचे व्हिडिओ लाखो व्ह्यूज मिळतात. कजिन्हो नेटो त्याच्या काही व्हिडिओंमध्ये अवघड वर्कआउट्स आणि अप्रतिम व्यायाम करताना दिसला आहे.
माहितीनुसार, कौजिन्हो नेटो वर्कआउट करताना 90 किलोपेक्षा जास्त वजन घेऊन डेडलिफ्ट करतो. सकाळी उठून 5 किलोमीटर धावणे हा त्याच्या दिनचर्येचा भाग आहे. द सनच्या वृत्तानुसार, ब्राझीलमधील प्रत्येकजण याला 'मिनी हल्क' नावाने ओळखत असल्याचे सांगण्यात आले आहे. व्हिडिओमध्ये, त्याचे चाहते कौजिन्हो नेटोचे कसरत करताना त्याचे कौतुक करताना दिसत आहेत.