'या' फोटोत लपून बसला आहे एक बिबट्या; भलेभले शोधून थकले, तुम्हीही ट्राय करा!

Social Viral : एका फोटोने सोशल मीडियावरील लोकांना हैराण केलं आहे. या फोटोत एक बिबट्या आहे. पण कमालीची बाब म्हणजे तो लोकांना दिसत नाहीये.

Social Viral :  सोशल मीडियावर नेहमीच असे काही फोटो व्हायरल होत असतात जे बघून लोक हैराण होतात. काही फोटो शेअर करून लोक त्यातील लपलेल्या गोष्टी, प्राणी शोधण्याचं चॅलेंजही देतात. काही लोक हे चॅलेंज स्वीकारतात आणि ते पूर्णही करतात. पण काही लोकांना प्रयत्न करूनही फोटोत काही लपलेलं दिसत नाही. अशाच एका फोटोने सोशल मीडियावरील लोकांना हैराण केलं आहे. या फोटोत एक बिबट्या आहे. पण कमालीची बाब म्हणजे तो लोकांना दिसत नाहीये.

तुम्हाला जर वाटत असेल की, तुमची नजर फारच तीक्ष्ण आहे किंवा तुमच्या नजरेतून काहीच सुटत नाही तर तुम्ही प्रयत्न करा. एकदा बारकाईने फोटो पूर्णपणे व्यवस्थित बघा. तुमच्या डोळ्यांवर विश्वास ठेवा. म्हणजे तुम्हाला बिबट्या दिसेल. चला आम्ही तुम्हाला एक हिंटही देतो की, बिबट्या डोंगराच्या वर नाही तर खालच्या बाजूला बसला आहे.

लोकांच्या डोळ्यांना कन्फ्यूज करणारा हा फोटो दिल्लीला राहणाऱ्या ३४ वर्षीय फोटोग्राफर अभिनव गर्गने क्लीक केला आहे. हा फोटो त्याने जयपूरच्या अरावली डोंगरात फिरताना काढला. अनेक तासांच्या प्रतिक्षेनंतर हा फोटो त्याने क्लीक केला होता.

मजेदार बाब म्हणजे जेव्हा त्याने हा फोटो क्लीक केला तेव्हा त्याला माहीत नव्हतं की, त्याने एका बिबट्याला कॅमेरात कैद केलं. घरी जाऊन त्याने जेव्हा हा फोटो लॅपटॉपवर झूम करून पाहिला तेव्हा त्याला समजलं की, यात बिबट्याही आहे.