Skating Viral Video: रस्त्यावर तरूण करत होता स्केटिंग, अचानक कारचा दरवाजा उघडला अन्...

हा व्हिडीओ सध्या तुफान व्हायरल झालाय

Skating Viral Video: सोशल मीडियावर कधी काय व्हायरल होईल हे सांगू शकत नाही. कधी मजेशीर व्हिडीओंची चर्चा रंगल्याचे दिसते तर कधी भावनिक व्हिडीओ तुमचे डोळे पाणावून जातात. व्हायरल झालेले अनेक व्हिडीओ अतिशय वेगाने लोकांच्या अकाऊंटवर पोस्ट केले जातात आणि त्याला ढिगाने लाईक्स व कमेंट्स मिळतात. स्केटिंगचेही अनेक व्हिडिओ सोशल मीडियावर व्हायरल होत असतात. कधी कधी स्केटिंग करणारे लोक भयंकर स्टंट करतात. ते स्टंट बघताना आपल्याच अंगावर काटा येतो. असाच एक व्हिडीओ समोर आला आहे, ज्यात एक स्केटिंग करणारा तरूण वाईटरित्या अडखळला. तो कारच्या रस्त्यावर स्केटिंग करत असताना हा विचित्र प्रकार घडला.

हा व्हिडिओ तनसू येगेन नावाच्या युजरने सोशल मीडियावर शेअर केला आहे. हा व्हिडीओ कधी आणि कुठे आहे याची पुष्टी झालेली नाही. मात्र व्हिडीओ पाहताना हा भारताबाहेरचा व्हिडीओ असल्याचे दिसते. यामध्ये एक स्केटर रस्त्यावर मस्त स्केटिंग करताना दिसत आहे. पण त्याच्या शेजारी एक कार धावत आहे. स्केटिंग करणार्‍याची चूक इतकी होती की, तो पुन्हा पुन्हा गाडीच्या शेजारी जात होता. पण तरीही तो स्केटिंग अतिशय हुशारीने करत होता. पुढे मात्र एका कारच्या जवळून तो जात असतानाच कारचा दरवाजा उघडला आणि मग पुढे काय झाले ते तुम्हीच पाहा-

Opening the door😡 pic.twitter.com/RUvw1yB6CV

— Tansu YEĞEN (@TansuYegen) December 11, 2022

कार मालकाने दार उघडताच स्केटर जोरात जमिनीवर आदळतो. स्केटर इतका वाईटरित्या आदळतो की पाहणाऱ्यांचा काळजाचा ठोकाच चुकतो. पण नशीब बलवत्तर म्हणून स्केटरला फारशी दुखापत होत नाही. सध्या हा व्हिडिओ प्रचंड व्हायरल होत आहे.