Video: आई-बाबांचं दुकान पडू देणार नाही; सोसाट्याच्या वाऱ्यात चिमुकल्याने दाखवली मोठी हिंमत...

वादळात दुकावरील ताडपत्रा उडून जात होता, यावेळी चिमुकल्याने तो घट्ट पकडून ठेवला.

Trending Video: आई आणि मुलाचं नातं जगातील सर्वात सुंदर नातं आहे. हे नातं इतर कुठल्याही नात्यापेक्षा खूप खास आणि अनमोल असतं. सोशल मीडियावर आई आणि मुलांच्या प्रेमाचे एकापेक्षा एक व्हिडिओ व्हायरल होत असतात. यातील अनेक व्हिडिओ आपल्या मनात घर करुन बसतात. असाच एक व्हिडिओ सध्या नेटकऱ्यांची मने जिंकत आहे. व्हायरल व्हिडिओमध्ये एक लहान चिमुकला वादळात आपल्या आईला मदत करताना दिसत आहे. 

अनेकदा लहान मुलं आपल्या आई-वडिलांना काम करताना पाहतात आणि त्यांच्या कामात मदत करण्याचा प्रयत्न करतात. या व्हायरल व्हिडिओमध्ये असेच दृष्य दिसत आहे. पाऊस आणि सोसाट्याच्या वाऱ्यात आपल्या आई-वडिलांनी उभारलेलं दुकान उडून जात होतं, यावेळी चिमुकला त्या दुकानावरील ताडपत्री घट्ट आपल्या हातात पकडतो. यानंतर दुकानातील खुर्ची उडून जाते, तीदेखील तो चिमुकला उचलून आणतो. 

View this post on Instagram

A post shared by Strictly For Memes (@strictlyformeme)

इतक्या कमी वयात इतका समजुतदारपणा दाखवणाऱ्या मुलाचा व्हिडिओ सध्या सोशल मीडियावर खूप व्हायरल होत आहे. इन्स्टाग्रामवर शेअर केलेल्या या व्हिडिओवर नेटकऱ्यांच्या विविध प्रतिक्रिया येत आहेत.या व्हिडिओला आतापर्यंत 4 हजारांहून अधिक लोकांनी लाईक केले आहे तर यूजर्स त्या चिमुकल्यावर प्रेमाचा वर्षाव करत आहेत.