Chris Gayle Yuvraj Singh Comedy Video: ख्रिस गेलचा जिममधला तुफान विनोदी 'हटके' लूक , व्हिडीओवर युवराजनेही केली कमेंट

मैदानावर भल्याभल्या गोलंदाजांना घाम फोडणारा ख्रिस गेल सोशल मीडियावर मात्र चांगलाच विनोदी दिसला.

Chris Gayle Yuvraj Singh Comedy Video: क्रिकेटपासून दूर असलेला युनिव्हर्स बॉस ख्रिस गेलसोशल मीडियावर चांगलाच सक्रिय असतो. वेस्ट इंडिजचा स्टार खेळाडू ख्रिस गेल सतत त्याचे फोटो आणि व्हिडिओ सोशल मीडियावर शेअर करत असतो. ते लगेच व्हायरलही होतात. मैदानावर आपल्या बॅटने भल्याभल्या गोलंदाजांना घाम फोडणारा ख्रिस गेल सोशल मीडियावर मात्र चांगलाच विनोदीपणा करताना दिसतोय. त्याने एक व्हिडिओ शेअर केला असून त्या व्हिडीओने साऱ्यांचेच मनोरंजन केल्याचं दिसतंय.

ख्रिस गेल दोन मिनिटांत अँब्स बनवायला आला अन्...

ख्रिस गेलने इन्स्टाग्रामवर एक व्हिडिओ शेअर केला. त्या व्हिडीओमध्ये तो एका वेगळ्याच कार्निव्हल लूकमध्ये दिसला. व्हिडिओमध्ये ख्रिस गेल मागच्या बाजूला लटकून जिममध्ये प्रवेश करताना दिसला. व्हिडिओमध्ये गेलचा लूक खूपच फनी दिसला. युनिव्हर्स बॉस ख्रिस गेल यावेळी वेगळ्या मूडसह जिममध्ये प्रवेश करताना दिसला. दोन मिनिटांत 'अँब्स' बनवण्यासाठी त्याने जिममध्ये प्रवेश केला. तो स्वत:च असं बोलत असल्याने साऱ्यांनाच ते खूप विनोदी वाटले.

View this post on Instagram

A post shared by Chris Gayle 👑 (@chrisgayle333)

गेलचा हा व्हिडीओ पाहून भारताचा संघाचा सिक्सर किंग असलेला युवराज सिंग आपलं हसू रोखू शकला नाही आणि त्याने कमेंटदेखील केली. त्याने हसणारा इमोजी शेअर केला. जिममध्ये प्रवेश करताना ख्रिस गेल म्हणाताना दिसला की, 'मी येथे कठोर परिश्रम करण्यासाठी आलो आहे. मला 'अँब्स' बनवायचे आहेत, तेही फक्त दोन मिनिटांत. यानंतर कार्निव्हल साजरा केला जाईल. त्यामुळे या विनोदी व्हिडीओ तुफान पसंती मिळाली. युवराजशिवाय पाकिस्तानी क्रिकेटर अहमद शहजादनेही हसणारा इमोजी शेअर केला आहे. तर अनेक युजर्सनी कमेंट करत ख्रिस गेलचीच खिल्ली उडवली.